ഫെയ്സ്ബുക്ക് ലൈവ് ഓണാക്കി യുവാവ് ആത്മഹത്യ ചെയ്തു; പോലീസിൽ വിവരം അറിയിച്ചത് ഓണ്‍ലൈനിലുള്ള സുഹൃത്തുക്കൾ

ഫെയ്സ്ബുക്ക് ലൈവ് ഓണാക്കി മുപ്പത്തിയേഴ്കാരനായ യുവാവ് ആത്മഹത്യ ചെയ്തു. തമിഴ്‌നാട്ടിലെ തിരുപ്പൂർ ജില്ലയിലാണ് സംഭവം നടന്നത്. ഇയാൾ ടാക്സി ഡ്രൈവറായി ജോലി ചെയ്തുവരികയായിരുന്നു. ഇയാള്‍ തൂങ്ങി മരിക്കുന്നത് ഫെയ്സ്ബുക്ക് ലൈവില്‍ കണ്ട സുഹൃത്തുക്കള്‍ പോലീസിലും യുവാവിന്‍റ ഭാര്യയേയും വിവരം അറിയിക്കുകയായിരുന്നു.

Also Read: സുഹൃത്തുക്കളുമായി സംസാരിക്കുന്നതിനിടെ ഭക്ഷണം കഴിക്കാൻ നിർബന്ധിച്ചു; അമ്മയ്ക്കുനേരെ വെടിയുതിർത്ത് മകൻ

ഇയാളുടെ ഭാര്യ തയ്യൽ ജോലി ചെയ്യുകയാണ്. സംഭവം അറിഞ്ഞ ഉടന്‍ തന്നെ അവര്‍ വീട്ടിലേക്ക് എത്തിയെങ്കിലും യുവാവ് മരിച്ചിരുന്നു. ഇയാള്‍ മദ്യത്തിന് അടിമയായിരുന്നു. ഇന്നലെ ഉച്ചക്ക് ഒരുമണിയോടെയാണ് യുവാവ് വീട്ടിനുള്ളില്‍ ആത്മഹത്യ ചെയ്തത്. വീട് അകത്ത് നിന്ന് പൂട്ടി സീലിംഗ് ഫാനിലില്‍ കയർ ഉപയോഗിച്ച് കുരുക്കിട്ടാണ് യുവാവ് ആത്മഹത്യ ചെയ്തത്. ആത്മഹത്യ ചെയ്തതിന് തൊട്ടു മുമ്പ് ഇയാള്‍ ഫെയ്സ്ബുക്കില്‍ ലൈവ് ഓണ്‍ ആകുകയായിരുന്നു.

Also Read: തല മൊട്ടയടിച്ചു, താടിയും മീശയും വെട്ടി; പോലീസ് കസ്റ്റഡിയില്‍ ദളിത് യുവാവിന് ക്രൂരമര്‍ദ്ധനം

ഇയാളുടെ ഫെയ്സ്ബുക്ക് സുഹൃത്തുക്കളില്‍ ഒരാള്‍ ഭാര്യയെ വിവരം അറിച്ചപ്പോള്‍ ഉടന്‍ തന്നെ വാടകവീടിന്‍റെ ഉടമസ്ഥനെ വിളിച്ചു. അയാള്‍ ചെന്ന് നോക്കിയപ്പോള്‍ മുറി അകത്ത് നിന്ന് പൂട്ടിയിരിക്കുകയായിരുന്നു. ജനലിലൂടെ നോക്കിയപ്പോൾ ആണ് യുവാവിനെ തൂങ്ങി മരിച്ച നിലയില്‍ കണ്ടെത്തിയത്. മൃതദേഹം തിരുപ്പൂർ മെഡിക്കൽ കോളേജ് ആശുപത്രിയിലേക്കു മാറ്റി. തന്‍റെ മരണത്തിന് ആരും ഉത്തരവാദികളല്ലെന്ന് യുവാവ് എഴുതിയ ആത്മഹത്യാക്കുറിപ്പ് ലഭിച്ചിട്ടുണ്ട്.