കൊവിഡ് ബാധയെന്ന് സംശയം; ഉത്തര്‍പ്രദേശില്‍ യുവാവിന്‍റെ മൃതദേഹം കൊണ്ട് പോയത് മാലിന്യ ശേഖരണ വാഹനത്തിൽ

ഉത്തർപ്രദേശ്: റോഡില്‍ കിടന്ന് മരണപ്പെട്ട 42കാരന്‍റെ മൃതദേഹം കൊണ്ട് പോയത് മാലിന്യ ശേഖരണ വാഹനത്തിൽ. ഉത്തര്‍പ്രദേശിലാണ് സംഭവം നടന്നത്. മൊബൈൽ ഫോണിൽ ചിത്രീകരിച്ച സംഭവത്തിന്‍റെ വീഡിയോ സോഷ്യല്‍ മീഡിയയില്‍ വൈറലാണ്. റോഡില്‍ കിടന്ന യുവാവിന്‍റെ മൃതദേഹം മൂന്ന് മുനിസിപ്പൽ തൊഴിലാളികൾ എടുത്ത് മാലിന്യ ശേഖരണ വാഹനത്തിൽ കയറ്റുന്നത് വീഡിയോയില്‍ കാണാം. വാനിലേക്ക് മൃതദേഹം കയറ്റുമ്പോള്‍ നോക്കി നില്‍ക്കുന്ന പോലീസുകാരും വീഡിയോയില്‍ ഉണ്ട്.

Also Read: വീഡിയോയുമായി വന്നത് നന്നായി ഇല്ലെങ്കില്‍!!? സമുദായം വിട്ട് വിവാഹം കഴിക്കരുതെന്ന വിഷയത്തില്‍ എത്തിയ ട്രോളുകള്‍ ഇങ്ങനെ

ലഖ്‌നൗവിൽ നിന്ന് 160 കിലോമീറ്റർ അകലെയുള്ള ബൽറാംപൂർ ജില്ലയിൽ ഇന്നലെ വൈകുന്നേരം ആണ് സംഭവം നടക്കുന്നത്. മൊബൈൽ ക്ലിപ്പുകൾ പ്രത്യക്ഷപ്പെട്ടതിനെ തുടർന്ന് നാല് പോലീസുകാരെയും നാല് മുനിസിപ്പൽ കോർപ്പറേഷൻ തൊഴിലാളികളെയും സസ്‌പെൻഡ് ചെയ്തു.

Also Read: ഡയറക്ടർ ചേഞ്ച് പുതിയ രൂപത്തില്‍!! സമൂഹമാധ്യമങ്ങളില്‍ ട്രെൻഡായ പുത്തന്‍ ട്രോളുകള്‍ കാണാം

വീഡിയോയില്‍ ആംബുലൻസ് സ്ഥലത്ത് നില്‍ക്കുന്നത് കാണാം. എന്നാൽ കൊറോണ വൈറസ് ബാധിച്ച് ഇയാൾ മരിച്ചുവെന്നും അണുബാധയുണ്ടാകുമെന്ന് ഭയന്ന് ഉദ്യോഗസ്ഥർ മൃതദേഹം തൊടാൻ വിസമ്മതിച്ചു. എന്നാല്‍ സർക്കാർ ഓഫീസിലേക്ക്‌ പോയിരുന്നിടത്ത് ഗേറ്റ്‌ തകർ‌ന്നാണ് യുവാവ് മരണപ്പെട്ടത്. തുടര്‍ന്ന് മുനിസിപ്പൽ കോർപ്പറേഷൻ തൊഴിലാളികൾ എത്തി മൃതദേഹം ചവറ്റുകുട്ടയിലേക്ക് വലിച്ചെറിയുന്നത് വീഡിയോയില്‍ കാണാം


76318306