ക്രൂരത; പശുവിനെ ലൈം​ഗികമായി പീഡിപ്പിച്ച 55കാരൻ അറസ്റ്റിൽ

ഭോപ്പാൽ: മധ്യപ്രദേശിലെ ഭോപ്പാലിൽ പശുവിനെ ലൈംഗികമായി പീഡിപ്പിച്ച 55കാരനെ പോലീസ് അറസ്റ്റ് ചെയ്തു. പ്രദേശത്തുനിന്ന് ലഭിച്ച സിസിടിവി ദൃശ്യങ്ങളുടെ അടിസ്ഥാനത്തിലാണ് പ്രതിയെ പോലീസ് അറസ്റ്റ് ചെയ്തത്. ജൂലൈ നാലിന് പുലർച്ചെ നാല് മണിക്കായിരുന്നു സംഭവം.

ഭോപ്പാലിലെ സുന്ദർ നഗറിലുള്ള പശു വളർത്തൽ കേന്ദ്രത്തിലെത്തിയ പ്രതി തൊഴുത്തിൽ കെട്ടിയിട്ട പശുവിനെ ലൈംഗികമായി പീഡിപ്പിക്കുകയായിരുന്നു. പശുവിന്റെ കരച്ചിൽക്കേട്ട് ഫാമിലെ ജീവനക്കാർ എത്തിയപ്പോഴേക്കും പ്രതി അവിടെനിന്ന് ഓടിരക്ഷപ്പെട്ടു. ഇതോടെ സംശയത്തിലായ ഫാം ജീവനക്കാർ വിവരം ഉടമയെ അറിയിച്ചു. പിന്നീട് ഫാം ഉടമ നൽകിയ പരാതിയുടെ അടിസ്ഥാനത്തിൽ പോലീസ് കേസെടുത്ത് അന്വേഷണം ആരംഭിക്കുകയായിരുന്നു.

ഫാമിലെത്തി പശുവിനെ പീഡിപ്പിക്കുന്ന പ്രതിയുടെ ദൃശ്യങ്ങള്‍ ഫാമില്‍ സ്ഥാപിച്ച സിസിടിവിയില്‍ പതിഞ്ഞിരുന്നു. ഇതിന്റെ അടിസ്ഥാനത്തില്‍ നടത്തിയ അന്വേഷണത്തിൽ പ്രതിയെ പോലീസ് തിരിച്ചറിഞ്ഞു. തുടർന്ന് ചൊവ്വാഴ്ച ഇയാളെ പോലീസ് സംഘം പിടികൂടുകയായിരുന്നുവെന്ന് അശോക് ഗാർഡൻ പോലീസ് സ്റ്റേഷൻ ഇൻ ചാർജ് എ ശ്രീവാസ്തവ പറഞ്ഞു.

അതേസമയം കഴിഞ്ഞ വർഷം മെയിൽ ഉത്തർപ്രദേശിലും സമാനസംഭവം റിപ്പോർട്ട് ചെയ്തിരുന്നു. അയോധ്യയിലെ പ്രാദേശിക കന്നുകാലി അഭയകേന്ദ്രത്തിലെ പശുക്കളെ ബലാത്സംഗം ചെയ്ത കേസിൽ ഒരാളെ പോലീസ് അറസ്റ്റ് ചെയ്തിരുന്നു. നവാബ്ഗഞ്ച് സ്വദേശി രാജ്കുമാർ എന്നയാളാണ് അറസ്റ്റിലായത്. ഇയാൾ കന്നുകാലി കേന്ദ്രത്തിലെ നിത്യസന്ദർശകനായിരുന്നു.

Also Read: ഭാര്യ വീട്ടില്‍ അതിക്രമിച്ച് കയറി കുഞ്ഞിനെ തട്ടിക്കൊണ്ടുപോയി; യുവാവ് അറസ്റ്റില്‍

അഭയകേന്ദ്രത്തിലെ സിസിടിവി പരിശോധിച്ചതിൽനിന്നാണ് ഇയാൾ പശുവിലെ ലൈംഗികമായി പീഡിപ്പിക്കുന്നത് ജീവനക്കാരുടെ ശ്രദ്ധയിൽപ്പെട്ടത്. പിറ്റേദിവസം അഭയകേന്ദ്രത്തിലെത്തിയ പ്രതി പശുക്കളെ ബലാത്സംഗം ചെയ്യാൻ ശ്രമിക്കുന്നതിനിടെ ജീവനക്കാരുടെ പിടിയിലാകുകയായിരുന്നു. തുടർന്ന് ജീവനക്കാരും അഭയകേന്ദ്രം അധികാരികളും ചേർന്ന് ഇയാളെ പോലീസിൽ ഏൽപ്പിക്കുകയായിരുന്നു.