കണ്ണൂരിൽ രണ്ട് കിലോയോളം കഞ്ചാവ് പിടിച്ചു; വിൽപനക്കാരനും പിടിയിൽ

കണ്ണൂർ: ശ്രീകണ്ഠപുരം ടൗണില്‍ ബസ്റ്റാന്റ് പരിസരത്ത് വെച്ച്‌ രണ്ട് കിലോഗ്രാമിനടുത്ത് കഞ്ചാവ് പിടിച്ചു. എക്സൈസ് സ്പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്പെക്ടര്‍ രാകേഷിന്റെ നേതൃത്വത്തിൽ നടത്തിയ പരിശോധനയിലാണ് കഞ്ചാവ് പിടിച്ചത്. കഞ്ചാവ് വിൽപ്പനക്കാരനെയും പിടി കൂടിയിട്ടുണ്ട്.

കഞ്ചാവ് മൊത്തവില്പനക്കാരന്‍ കട്ടത്തറ സജിയെയാണ് 1.700 കിലോഗ്രാം കഞ്ചാവുമായി പിടികൂടിയത്. മലയോരമേഖലകളില്‍ കഞ്ചാവിന്റെ മൊത്ത വില്‍പനക്കാരനാണ് ഇയാളെന്ന് എക്സൈസ് ഉദ്യോഗസ്ഥർ പറയുന്നു . ഇയാളെ കഴിഞ്ഞ ഒരു മാസത്തിലേറെയായി നിരീക്ഷിച്ച് വരികയായിരുന്നു.

രഹസ്യ നിരീക്ഷണത്തിനൊടുവിലാണ് വലയിലാക്കിയത്. പ്രദേശത്ത് കഞ്ചാവ് വില്‍പന വ്യാപകമായതോടെ പരിശോധന ശക്തമാക്കിയിട്ടുണ്ട്.