കഴക്കൂട്ടം: റോഡ് യാത്രക്കാരെ അപായപ്പെടുത്തുന്ന രീതിയിൽ കാറോടിച്ചത് ചോദ്യം ചെയ്തവരെ കാർ യാത്രിക്കാർ ആക്രമിച്ചതായി പരാതി. കുളത്തൂർ സ്വദേശികളായ ബൈക്ക് യാത്രക്കാരായ ഷൈൻ (40), ശ്രീജിത്ത് (40) എന്നിവർ പരിക്കേറ്റ് ചികിത്സയിലാണ്. ഷൈനിനെ കാർ യാത്രക്കാർ മദ്യക്കുപ്പി കൊണ്ട് നാല് തവണ കുത്തി. ശ്രീജിത്തിനെ മദ്യക്കുപ്പി കൊണ്ട് തലക്കടിച്ചു. കഴക്കൂട്ടത്തേക്ക് ഷൈനും ശ്രീജിത്തും ബൈക്കിൽ പോകവെയാണ് സംഭവം. മുക്കോലക്കൽ വെച്ച് പിന്നിലുണ്ടായിരുന്ന കാർ ബൈക്കിന് മുന്നിൽ കയറി വലത്തേക്ക് തിരിച്ചു. ഇത് ചോദ്യം ചെയ്തതിനാണ് ആക്രമിച്ചത്.
ഇരുവരെയും കാറിലുള്ളവർ പിന്തുടർന്ന് കഴക്കൂട്ടം ബൈപ്പാസ് റോഡിലെ ബസ് സ്റ്റോപ്പിനടുത്ത് വെച്ച് തടഞ്ഞു നിർത്തി. തുടർന്ന് കാർ യാത്രക്കാർ മദ്യ കുപ്പി പൊട്ടിച്ച് ഷൈനിനെ അടിച്ചു വീഴ്ത്തി കുത്തി പരിക്കേൽപ്പിച്ചു. രക്ഷപെടാൻ ശ്രമിച്ച ശ്രീജിത്തിന്റെ തലക്ക് അടിച്ച് പരിക്കേൽപ്പിച്ചു.
രക്തം വാർന്ന് അവശനിലയിലായ ഷൈൻ സ്വകാര്യ ആശുപത്രിയിൽ ഐസിയുവിൽ ചികിത്സയിലാണ്. കാർ വാടകക്ക് നൽകിയ ഉടമയെ പോലീസ് കസ്റ്റഡിയിലെടുത്തു. അക്രമം നടത്തിയവരെ കുറിച്ച് വ്യക്തമായ സൂചന ലഭിച്ചിട്ടുണ്ടെന്നുമാ അറസ്റ്റ് ഉടനുണ്ടാകുമെന്നും കഴക്കൂട്ടം പോലീസ് അറിയിച്ചു.
ഇരുവരെയും കാറിലുള്ളവർ പിന്തുടർന്ന് കഴക്കൂട്ടം ബൈപ്പാസ് റോഡിലെ ബസ് സ്റ്റോപ്പിനടുത്ത് വെച്ച് തടഞ്ഞു നിർത്തി. തുടർന്ന് കാർ യാത്രക്കാർ മദ്യ കുപ്പി പൊട്ടിച്ച് ഷൈനിനെ അടിച്ചു വീഴ്ത്തി കുത്തി പരിക്കേൽപ്പിച്ചു. രക്ഷപെടാൻ ശ്രമിച്ച ശ്രീജിത്തിന്റെ തലക്ക് അടിച്ച് പരിക്കേൽപ്പിച്ചു.
രക്തം വാർന്ന് അവശനിലയിലായ ഷൈൻ സ്വകാര്യ ആശുപത്രിയിൽ ഐസിയുവിൽ ചികിത്സയിലാണ്. കാർ വാടകക്ക് നൽകിയ ഉടമയെ പോലീസ് കസ്റ്റഡിയിലെടുത്തു. അക്രമം നടത്തിയവരെ കുറിച്ച് വ്യക്തമായ സൂചന ലഭിച്ചിട്ടുണ്ടെന്നുമാ അറസ്റ്റ് ഉടനുണ്ടാകുമെന്നും കഴക്കൂട്ടം പോലീസ് അറിയിച്ചു.