വ്യാജവാർത്ത പ്രചരിപ്പിച്ചു: ബിജെപി ഐടി സെൽ സെക്രട്ടറി അറസ്റ്റിൽ

ഗുവാഹത്തി: മതവികാരം വ്രണപ്പെടുത്തിയ കേസിൽ ബിജെപി ഐടി സെൽ സെക്രട്ടറിയെ അറസ്റ്റ് ചെയ്തു. അസമിലെ പ്രത്യേക മത വിഭാഗത്തെ അപകീർത്തിപ്പെടുത്തി സാമൂഹ്യമാധ്യമങ്ങളിൽ പോസ്റ്റ് ഇട്ടതിനാണ് ഐടി സെക്രട്ടറിയെ അറസ്റ്റ് ചെയ്തത്. നീതു ബോറയെന്ന ബിജെപി ലോക്കൽ ഐടി സെൽ സെക്രട്ടറിയാണ് അറസ്റ്റിലായത്.

ഫേസ്ബുക് ഉൾപ്പടെയുള്ള സാമൂഹ്യമാധ്യമങ്ങളിൽ വർഗീയ പരാമർശമുള്ള പോസ്റ്റ് ഇട്ടുവെന്നാണ് കേസ്. ആദിവാസി പെൺകുട്ടിയെ ഒരു മത വിഭാഗത്തിൽ ഉൾപ്പെട്ടയാൾ മാനഭംഗപ്പെടുത്തിയെന്നാണ് നീതു ബോറ പ്രചരിപ്പിച്ച വാർത്ത. എന്നാൽ, അത് വ്യാജ വർത്തയാണെന്ന് കണ്ടെത്തിയതിനെ തുടർന്നാണ് ഇയാളെ പോലീസ് കസ്റ്റഡിയിലെടുത്തതെന്ന് പോലീസ് വ്യക്തമാക്കി.