വനിതാ പോലീസ് ഉദ്യോഗസ്ഥയെ അസഭ്യം പറഞ്ഞെന്ന കേസില്‍ ബിജെപി എംഎല്‍എ അറസ്റ്റില്‍

മുംബൈ: വനിതാ പോലീസ് ഉദ്യോഗസ്ഥയെ അസഭ്യം പറയുകയും അപമാനിക്കുകയും ചെയ്തെന്ന കേസില്‍ ബിജെപി എംഎല്‍എയെ അറസ്റ്റ് ചെയ്തു. മഹാരാഷ്ട്രയിലെ ബണ്ഡാര ജില്ലയിലെ തുംസാര്‍ മണ്ഡലത്തില്‍ നിന്നുള്ള എംഎല്‍എ ചരണ്‍ വാഗ്‍മരെയാണ് അറസ്റ്റിലായത്. സെപ്റ്റംബര്‍ 16 നാണ് കേസിനാസ്പദമായ സംഭവമുണ്ടായത്. എംഎല്‍എ പങ്കെടുത്ത ഒരു പൊതുപരിപാടിയില്‍ വെച്ച് ഇവിടെ ഡ്യൂട്ടിയിലുണ്ടായിരുന്ന വനിതാ പോലീസ് ഓഫീസറുമായി വാക്കേറ്റമുണ്ടാകുകയായിരുന്നു.

Also Read; ഡല്‍ഹിയില്‍ വനിതാ ജഡ്ജിയെ കൊള്ളയടിച്ചത് 'ടക് ടക് ' സംഘമെന്ന് പോലീസ്

തുടര്‍ന്ന് ചരണ്‍ വാഗ്‍മരെ തന്നെ അസഭ്യം പറയുകയും മോശം വാക്കുകള്‍ ഉപയോഗിച്ച് അപമാനിച്ചെന്നുമാണ് പോലീസ് ഉദ്യോഗസ്ഥയുടെ പരാതി. ഇക്കാര്യങ്ങള്‍ കാണിച്ച് ഇവര്‍ തുംസാര്‍ പോലീസ് സ്റ്റേഷനില്‍ പരാതി നല്‍കുകയും ചെയ്തു. ഇതേ തുടര്‍ന്നാണ് എംഎല്‍എയെ പോലീസ് ഇന്ന് അറസ്റ്റ് ചെയ്തത്. കൃത്യനിര്‍വഹണം തടസ്സപ്പെടുത്തിയതിനും സ്ത്രീയെ അപമാനിക്കാന്‍ ശ്രമിച്ചതിനുമുള്ള വകുപ്പുകള്‍ പ്രകാരമാണ് എംഎല്‍എയ്ക്കെതിരെ കേസെടുത്തിരിക്കുന്നതെന്ന് പോലീസ് പറഞ്ഞു.