50 കുട്ടികളെ ലൈംഗികമായി പീഡിപ്പിച്ചയാൾ അറസ്‌റ്റിൽ; സെക്‌സ്ടോയികളും ദൃശ്യങ്ങളും പിടിച്ചെടുത്തു

ലഖ്‌നൗ: അമ്പതിലധികം കുട്ടികളെ ലൈംഗികമായി ചൂഷണം ചെയ്‌ത എൻജിനിയറെ സിബിഐ അറസ്‌റ്റ് ചെയ്‌തു. അഞ്ച് മുതൽ ആറുവയസ് വരെയുള്ള കുട്ടികളെ പീഡിപ്പിച്ച ഉത്തർപ്രദേശ് ജലസേചന വകുപ്പിലെ ഉദ്യോഗസ്ഥനെയാണ് സിബിഐ അറസ്‌റ്റ് ചെയ്‌തത്. കഴിഞ്ഞ ദിവസം ബാംന്ദയിൽ നിന്ന് പിടികൂടിയ ഇയാളെ കോടതിയിൽ ഹാജരാക്കി.

Also Read: ബിഹാറിൽ പീഡനം ചെറുത്ത 20കാരിയെ ജീവനോടെ ചുട്ടുകൊന്നു; പ്രതിഷേധവുമായി കുടുംബം

കഴിഞ്ഞ പത്ത് വർഷത്തിനിടെയാണ് പ്രതി കുട്ടികളെ ലൈംഗികമായി പീഡിപ്പിച്ചതെന്ന് അന്വേഷണ സംഘം വ്യക്തമാക്കി. ഉത്തർപ്രദേശിലെ ചിത്രകൂട്, ഹമിർപുർ, ബാംന്ദാ എന്നീ ജില്ലകളിൽ നിന്നുള്ള കുട്ടികളാണ് പീഡനത്തിനിരയായത്.

പ്രതിയെ കസ്‌റ്റഡിയിൽ കിട്ടിയാൽ കൂടുതൽ വിവരങ്ങൾ അറിയാൻ കഴിയുമെന്നാണ് സിബിഐ നിഗമനം. ഇയാളെ കൂടാതെ മറ്റ് പ്രതികളും കേസിൽ ഉൾപ്പെട്ടിട്ടുണ്ടാകാം എന്ന നിഗമനത്തിലാണ് അന്വേഷണ സംഘം. കുറ്റകൃത്യങ്ങൾ കൂടുതലായി നടക്കുന്ന ഡാർക് നെറ്റിലൂടെ പീഡന ദൃശ്യങ്ങൾ പ്രതി വിൽക്കുകയും പങ്കുവയ്‌ക്കുകയും ചെയ്‌തിരുന്നതായി കണ്ടെത്തി.

Also Read: ഭക്ഷ്യധാന്യവും പണവും അച്ഛന്‍ കൈക്കലാക്കി; പരാതി നല്‍കാന്‍ 10 കിമീ നടന്ന് ആറാം ക്ലാസുകാരി

പ്രതിയുടെ വീട്ടിൽ നടത്തിയ പരിശോധനയിൽ എട്ട് മൊബൈൽ ഫോണുകളും എട്ട് ലക്ഷത്തോളം രൂപയും കണ്ടെടുത്തു. ലാപ്‌ടോപ്, സെക്‌സ് ടോയിസ്, ഡിജിറ്റൽ വിവരങ്ങൾ എന്നിവയും പരിശോധനയിൽ കണ്ടെത്തി. കുട്ടികളെ ലൈംഗികമായി ഉപദ്രവിക്കുന്ന ദൃശ്യങ്ങൾ പിടിച്ചെടുത്തു.

മൊബൈൽ ഫോണുകൾ, മറ്റ് ഇലക്ട്രിക് ഉപകരണങ്ങൾ എന്നിവ ഉപയോഗിച്ചാണ് കുട്ടികളെ വശീകരിച്ചിരുന്നത് പ്രതി ചോദ്യം ചെയ്യലിൽ സമ്മതിച്ചതായി അന്വേഷണ സംഘം പറഞ്ഞു.