ഭാര്യയെയും ഒന്നരവയസുള്ള കുട്ടിയെയും കൊലപ്പെടുത്തി യുവാവ് ജീവനൊടുക്കി

ചണ്ഡീഗഡ്: ഹരിയാനയിലെ ഫത്തേഹാബാദ് ജില്ലയിൽ ഒരു കുടുംബത്തിലെ മൂന്ന് പേരെ മരിച്ച നിലയിൽ കണ്ടെത്തി. തോഹാന നഗരത്തിൽ വാടകവീട്ടിൽ കഴിയുന്ന സുനിൽ കുമാർ (35), ഭാര്യ മഞ്ജു ദേവി (32), ഒന്നരവയസ് പ്രായമുള്ള മകൾ എന്നിവരെയാണ് മരിച്ച നിലയിൽ കണ്ടെത്തിയത്.

ഭാര്യയെയും മകളെയും കൊലപ്പെടുത്തിയ ശേഷം യുവാവ് ജീവനൊടുക്കിയതാണെന്നാണ് സംശയിക്കുന്നതെന്ന് പോലീസ് പറഞ്ഞു. ബുധനാഴ്ച വൈകീട്ടാണ് സംഭവം നടന്നതെന്ന് തോഹാന സ്റ്റേഷൻ ഓഫീസർ ഇൻസ്പെക്ടർ സുരേന്ദ്ര പറഞ്ഞതായി എൻഡിടിവിയാണ് റിപ്പോർട്ട് ചെയ്തത്.

Also Read : ഗുജറാത്തിൽ 13കാരി പ്രസവിച്ചു; പെൺകുട്ടി ബലാത്സംഗം ചെയ്യപ്പെട്ട വിവരമറിഞ്ഞത് ഏഴു മാസത്തിനു ശേഷം

മഞ്ജു ദേവിയെയും മകളെയും മകളെയും കട്ടിലിൽ മരിച്ചു കിടക്കുന്ന നിലയിലാണ് കണ്ടെത്തിയത്. പോസ്റ്റ്‌മോർട്ടം റിപ്പോർട്ട് പ്രകാരം ഇവരുടെ മരണകാരണം കഴുത്തുഞെരിച്ചതാണെന്ന് വ്യക്തമായിട്ടുണ്ട്. സുനിൽ കുമാർ എന്നയാളെ സ്റ്റോർ റൂമിൽ തൂങ്ങിമരിച്ച നിലയിലാണ് കണ്ടെത്തിയത്.' പോലീസ് ഉദ്യോഗസ്ഥൻ പറഞ്ഞു.

Also Read : Also Read: മുംബൈ നടുങ്ങിയിട്ട് 12 വര്‍ഷം ആകുന്നു; ഭീകരര്‍ പൗരന്മാരെന്ന് സമ്മതിച്ച് പാകിസ്ഥാന്‍; നടപടിയില്‍ മൗനം

പ്രാഥമിക അന്വേഷണത്തിൽ നിന്ന് യുവാവ് ആത്മഹത്യ ചെയ്യുന്നതിന് മുൻപ് ഭാര്യയെയും മകളെയും കൊലപ്പെടുത്തിയെന്നാണ് മനസിലാക്കുന്നതെന്നും പോലീസ് ഉദ്യോഗസ്ഥൻ പറഞ്ഞു. ദമ്പതികൾ തമ്മിൽ പലപ്പോഴും തർക്കങ്ങൾ ഉണ്ടാകാറുണ്ടായിരുന്നെന്നാണ് റിപ്പോർട്ട്. സംഭവവുമായി ബന്ധപ്പെട്ട് കേസ് രജിസ്റ്റർ ചെയ്തിട്ടുണ്ടെന്നും അന്വേഷണം ആരംഭിച്ചെന്നും പോലീസ് പറഞ്ഞു.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, നിങ്ങള്‍ ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ: ദിശ ഹെല്‍പ്പ്‍ലൈന്‍ - 1056 (ടോള്‍ ഫ്രീ)