മൂന്ന് മാസത്തിനിടയിൽ മൂന്നു പേരെ വിവാഹം കഴിച്ചു; സ്വത്തുമായി കടന്നുകളഞ്ഞ 27 കാരി പിടിയിൽ

ഔറംഗാബാദ്: വിവാഹത്തിന്റെ മറവിൽ നിരവധി പുരുഷന്മാരെ വഞ്ചിച്ച 27 കാരി പിടിയിൽ. വിജയ അമൃത എന്ന യുവതിയാണ് പിടിയിലായത്. തട്ടിപ്പിന് ഇരയായ ആളുടെ പരാതിയെത്തുടർന്നാണ് യുവതിയെ പിടികൂടിയത്.

വിവാഹം കഴിഞ്ഞ് രണ്ടാഴ്ചയ്ക്കുള്ളിൽ തന്റെ വിലപിടിപ്പുള്ള സാധനങ്ങളുമായി അമൃത കടന്നു കളഞ്ഞെന്നായിരുന്നു നാസിക്കിൽ നിന്നുള്ള യോഗേഷ് ഷിർസാത്ത് എന്നയാളുടെ പരാതി.

Also Read: ഭാര്യയെ കൊലപ്പെടുത്തി, മൃതദേഹം സ്കൂട്ടറിൽ വെച്ച് 10 കിലോമീറ്റർ പോയി; ഭർത്താവ് പിടിയിൽ

വിവാഹിതയും ഒരു കുഞ്ഞിന്റെ അമ്മയുമാണ് അമൃത. കൊവിഡ് പ്രതിസന്ധിയെത്തുടർന്ന് അമൃതയ്ക്കും ഭർത്താവിനും ജോലി നഷ്ടമായിരുന്നു. ഇതേത്തുടർന്നുണ്ടായ സാമ്പത്തിക പ്രതിസന്ധിയെത്തുടർന്നാണ് തട്ടിപ്പ് നടത്തുന്ന റാക്കറ്റിനൊപ്പം യുവതി ചേർന്നതെന്ന് പോലീസ് പറഞ്ഞു.

കഴിഞ്ഞ മൂന്ന് മാസത്തിനിടയിൽ യുവതി മൂന്നു പേരെ വിവാഹം കഴിച്ചിട്ടുണ്ടെന്ന് പോലീസ് പറഞ്ഞു. വിവാഹം കഴിഞ്ഞ് ദിവസങ്ങൾക്കുള്ളിൽ വിലപിടിപ്പുള്ള സാധനങ്ങളുമായി യുവതി വീടുകളിൽ നിന്നും മുങ്ങിതായും പോലീസ് വ്യക്തമാക്കി.

Also Read: ജ്യേഷ്ഠന് രണ്ടാമതും വിവാഹം; അവിവാഹിതനായ യുവാവ് നവവധുവിനെ കൊലപ്പെടുത്തി

ഷിർഷാന്തിനെയാണ് അമൃത ആദ്യം വിവാഹം കഴിച്ചത്. രണ്ടാഴ്ച കഴിഞ്ഞപ്പോൾ ആഭരണങ്ങളും വിലപിടിപ്പുള്ള വസ്തുക്കളുമായി അവിടെ നിന്നും മുങ്ങി. തുടർന്ന് സന്ദീപ് ഡാർഡെ എന്നയാളെ വിവാഹം കഴിച്ചു. തുടർന്ന് പടിഞ്ഞാറൻ മഹാരാഷ്ട്രയിൽ നിന്നുള്ള ആളുമായി വിവാഹിതയായി.

ഭാര്യയെ കാണാതായതോടെ ഷിർഷാന്ത് നടത്തിയ അന്വേഷണത്തിലാണ് അമൃത മറ്റൊരാളെ വിവാഹം കഴിച്ചതായി കണ്ടെത്തിയത്. ഇതേത്തുടർന്ന് പോലീസിൽ പരാതിൽ നൽകുകയായിരുന്നു. തുടർന്നാണ് ശനിയാഴ്ച യുവതിയെ അറസ്റ്റ് ചെയ്തത്.