കൂർക്കം വലിച്ചതിന് മകൻ പിതാവിനെ അടിച്ചുകൊന്നു

പിലിബിത്ത്: കൂർക്കം വലി വലിയൊരു പ്രശ്നംതന്നെയാണ്. അടുത്ത് കിടക്കുന്നവർക്ക് അത് ശല്യമായി തോന്നിയേക്കാം. അത് വഴക്കിൽ കലാശിക്കാനും സാധ്യതയുണ്ട്. അത്തരമൊരു സംഭവമാണ് ഉത്തർപ്രദേശിലെ സോന്ധ ഗ്രാമത്തിൽ റിപ്പോർട്ട് ചെയ്തിരിക്കുന്നത്.

Also Read: ആശ്രമത്തിൻ്റെ മറവിൽ കുട്ടികളെ ലൈംഗികമായി പീഡിപ്പിച്ചു; ആൾ ദൈവത്തിൻ്റെ ജാമ്യം നിഷേധിച്ച് കോടതി

ഉത്തർപ്രദേശിലെ പിലിബിത്ത് ജില്ലയിലാണ് സംഭവം. കൂർക്കം വലിച്ചുറങ്ങിയ പിതാവിനെ 28 കാരൻ ദണ്ഡ് ഉപയോഗിച്ച് അടിച്ചുകൊല്ലുകയായിരുന്നു. നവീൻ എന്ന യുവാവാണ് കേസിലെ പ്രതി. 65-കാരനായ രാം സ്വരൂപാണ് കൊല്ലപ്പെട്ടത്. രാമിനെ ഉടൻ ആശുപത്രിയിൽ എത്തിച്ചെങ്കിലും മരണം സ്ഥിരീകരിച്ചു.

Also Read: പുതിയ പാകിസ്ഥാന്‍ മാപ്പ്; ഇമ്രാന്‍ ഖാനെ പരിഹസിച്ചയാളെ ആക്രമിച്ച് ജനക്കൂട്ടം, ഒടുവിൽ അറസ്റ്റ്

നവീനെതിരെ ഇളയ സഹോദരൻ മനോജ് നൽകിയ പരാതിയിൽ പ്രതിയെ പോലീസ് അറസ്റ്റ് ചെയ്തു. കൊലപാതക കുറ്റം ചുമത്തിയാണ് പ്രതിക്കെതിരെ പോലീസ് കേസെടുത്തിരിക്കുന്നത്. സംഭവം നടക്കുമ്പോൾ മനോജും അമ്മയും അമ്മാവന്റെ വീട്ടിലായിരുന്നു.

Also Read: മദ്യപിച്ചെത്തി ഉപദ്രവം പതിവ്; പിതാവിനെ പെണ്മക്കൾ കഴുത്തു ഞെരിച്ചു കൊന്നു

പിതാവിന്റെ കൂർക്കംവലി ശീലം കാരണം നവീൻ അദ്ദേഹത്തെ നിരന്തരം മർദ്ദിച്ചിരുന്നുവെന്ന് സെറാമു നോർത്ത് പോലീസ് ഉദ്യോഗസ്ഥനായ പുഷ്കർ സിങ് പറഞ്ഞു.