ആഗ്ര: അയൽവാസിയുടെ ആട് വീട്ടിൽ കയറിയതിനെച്ചൊല്ലിയുള്ള തർക്കത്തെ തുടർന്ന് അച്ഛനെയും മകനെയും വെടിവെച്ചുകൊന്നു. യുപിയിലെ ആഗ്ര ജില്ലയിൽ നിന്നാണ് ഞെട്ടിക്കുന്ന വാർത്ത് റിപ്പോർട്ട് ചെയ്തിരിക്കുന്നത്. കൊലപാതകത്തിന് പിന്നാലെ പ്രതി ഒളിവിൽ പോയതായി ബസൗനി പോലീസ് അറിയിച്ചു.
Also Read : 'അച്ഛന് 150 മക്കൾ, 27 ഭാര്യമാർ; ഇതാണ് എന്റെ ജീവിതം'; വൈറലായി ടിക്ടോക് വീഡിയോ
ഭീകം സിങ്ങിന്റെ ആട് ഗ്യാനിയുടെ വീട്ടിൽ പ്രവേശിച്ചതായി ഗ്രാമവാസികൾ പോലീസിനോട് പറഞ്ഞു. വീട്ടിൽ നിന്ന് ആരോ വടിയെടുത്ത് ആടിനെ അടിച്ചു. അടി കൊണ്ട ആടിന്റെ കാല് ഒടിഞ്ഞതോടെ ഭീകം സിങ്ങിന്റെ കുടുംബം പ്രകോപിതരാവുകയായിരുന്നു. ഇതിനെച്ചൊല്ലിയുള്ള തർക്കത്തിനൊടുവിൽ ഗ്യാനി പിസ്റ്റൾ ഉപയോഗിച്ച് ഭീകത്തെയും മകൻ ജിതേന്ദ്രയെയും വെടിവെയ്ക്കുകയായിരുന്നു. ആശുപത്രിയിലേക്കു കൊണ്ടുപോവും വഴി ഇരുവരും മരിച്ചു.
Also Read : അമ്മയുടെ കാമുകനെ കിഡ്നാപ്പ് ചെയ്ത് 15കാരൻ; ഒടുവിൽ ട്വിസ്റ്റ്, കുട്ടികൾ കസ്റ്റഡിയിൽ
വൈകീട്ടോടെ ഉന്നത പൊലീസ് ഉദ്യോഗസ്ഥര് ഗ്രാമത്തില് എത്തി. സംഘർഷങ്ങൾ ഒഴിവാക്കുന്നതിനായികൂടുതല് പോലീസിനെയും സ്ഥലത്ത് വിന്യസിച്ചു. ഗ്രാമത്തില് സംഘര്ഷാവസ്ഥ നിലനിൽക്കുന്നുണ്ട്. അതേസമയം ആടിനെച്ചൊല്ലിയുള്ള നിസാര തര്ക്കം ഇത്തരമൊരു ദുരന്തത്തിലേക്ക് എത്തിയത് എങ്ങിനെയാണെന്ന ആശ്ചര്യത്തിലാണ് ഗ്രാമവാസികൾ.