പെൺ ശിശുഹത്യ സംശയം: ഒരു ദിവസം പ്രായമുള്ള കുഞ്ഞിൻെറ മൃതദേഹം പുറത്തെടുത്തു

തിരുവണ്ണാമലൈ: തമിഴ്നാട്ടിൽ ഒരു ദിവസം പ്രായമുള്ള പെൺകുഞ്ഞിൻെറ ജഡം പൊലീസ് ശവക്കുഴിയിൽ നിന്നും പുറത്തെടുത്തു. പെൺ ശിശുഹത്യ സംശയിക്കുന്നതിനാലാണ് മൃതദേഹം പുറത്തെടുത്ത് പോസ്റ്റ‍്‍മോ‍ർട്ടത്തിന് അയച്ചത്. പ്രദേശത്തെ ആരോഗ്യവകുപ്പ് ഡയറക്ടറുടെ പരാതിയെ തുടർന്നാണ് പൊലീസ് മൃതദേഹം പുറത്തെടുക്കാൻ തയ്യാറായത്.

30കാരമായ ജെ ദേവമൂർത്തിയുടെയും ഭാര്യ പ്രിയയുടെയും മൂന്നാമത്തെ കുഞ്ഞായിരുന്നു ഇത്. ഇവർക്ക് ഒരു ആൺകുട്ടിയും പെൺകുട്ടിയുമാണ് ഉള്ളത്. കലശമുത്തിരം പ്രാദേശിക ആരോഗ്യ കേന്ദ്രത്തിൽ ബുധനാഴ്ചയാണ് പ്രിയ കുഞ്ഞിന് ജൻമം നൽകിയത്. ശ്വസന പ്രശ്നങ്ങളെ തുടർന്ന് പിറ്റേന്ന് തന്നെ കുഞ്ഞിനെ വീണ്ടും ആശുപത്രിയിൽ എത്തിച്ചിരുന്നു.

Also Read: വരുന്ന 10 ദിവസത്തിനുള്ളിൽ 2600 ശ്രമിക് ട്രെയിനുകൾ; 36 ലക്ഷം കുടിയേറ്റ തൊഴിലാളികൾ സ്വന്തം നാട്ടിലെത്തും

വെല്ലൂർ മെഡിക്കൽ കോളേജിലേക്ക് കുഞ്ഞിനെ ചികിത്സക്കായി കൊണ്ടു പോയെങ്കിലും അവിടെ വെച്ചാണ് മരണം സ്ഥിരീകരിച്ചത്. കുഞ്ഞിൻെറ മരണത്തിൽ സംശയം ഉള്ളത് കാരണം പ്രാഥമികാരോഗ്യ കേന്ദ്രത്തിലെ മെഡിക്കൽ ഓഫീസറാണ് ആദ്യം പരാതി നൽകിയത്.

Also Read: ഇന്ത്യയിലെ കൊവിഡ് ടെസ്റ്റുകളുടെ കണക്കുകൾ പുറത്തുവിട്ട് ഐസിഎംആർ: രോഗമുക്തി നിരക്ക് 41.4 %

കുഞ്ഞിന് വീട്ടുകാർ പശുവിൻ പാല് നൽകിയതായി സംശയിക്കുന്നുവെന്ന് ഇവർ പറഞ്ഞു. ഇത്ര ചെറിയ കുഞ്ഞിന് പശുവിൻപാല് നൽകിയാൽ ദഹനപ്രശ്നങ്ങളും ശ്വാസംമുട്ടലും ഉണ്ടാക്കാൻ സാധ്യതയുണ്ട്. ഇത് മരണത്തിന് വരെ കാരണം ആവാമെന്നും ആരോഗ്യവകുപ്പ് അധികൃതർ പറയുന്നു.