ഡിവൈഎഫ്ഐ പ്രവർത്തകന് കുത്തേറ്റു: ബിജെപി പ്രവർത്തകർ അറസ്റ്റിൽ

ആലപ്പുഴ: ഡിവൈഎഫ്ഐ പ്രവർത്തകന് കുത്തേറ്റ സംഭവത്തിൽ അഞ്ച് ബിജെപി പ്രവർത്തകർ അറസ്റ്റിൽ. തിരുമല സ്വദേശി അശ്വിന്‍ ദേവ്, സച്ചു പ്രകാശ്, അഖില്‍, രഞ്‌ജിത്ത്‌, സന്ദീപ് എന്നിവരാണ് അറസ്റ്റിലായത്.

ചുങ്കത്ത് വെച്ചാണ് പള്ളാത്തുരുത്തി സ്വദേശിയായ സുനീറി (26) ന് കുത്തേറ്റത്. സുനീറിനെ ഉടൻ തന്നെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ആലപ്പുഴ സൗത്ത് പൊലീസാണ് പ്രതികളെ അറസ്റ്റ് ചെയ്തത്. അറസ്റ്റിലായ പ്രതികൾക്ക് മേൽ വധശ്രമം, സംഘംചേരൽ, ഗൂഢാലോചന എന്നീ കുറ്റങ്ങൾ ചുമത്തി.