മുത്തച്ഛനൊപ്പം ഉറങ്ങിയ അഞ്ച് വയസുകാരിയെ തട്ടിക്കൊണ്ട് പോയി ബലാത്സംഗം ചെയ്‌തു; കുട്ടി ഗുരുതരാവസ്ഥയിൽ

ഹൈദരാബാദ്: മുത്തച്ഛനൊപ്പം ഉറങ്ങിക്കിടന്ന അഞ്ച് വയസുകാരിയെ തട്ടിക്കൊണ്ട് പോയി ബലാത്സംഗം ചെയ്‌ത സംഭവത്തിൽ പെൺകുട്ടി ഗുരുതരാവസ്ഥയിൽ. കുട്ടി അപകടനില തരണം ചെയ്‌തിട്ടില്ലെന്നും ഗുരുതര സാഹചര്യം തുടരുകയാണെന്നും ഡോക്‌ടർമാർ വ്യക്തമാക്കി. ആന്ധ്രപ്രദേശിലെ കാക്കിനാഡയിൽ കഴിഞ്ഞ ദിവസമാണ് സംഭവം.

Also Read: മകളുടെ വീട്ടിൽ നിന്ന് 10വയസുകാരിയെ പീഡിപ്പിച്ചു; പൂജാരി അറസ്റ്റിൽ

കഴിഞ്ഞ ദിവസമാണ് കുട്ടി ക്രൂരമായ ബലാത്സംഗത്തിന് ഇരയായത്. ശരീരമാസകലം മുറിവേറ്റ കുട്ടിക്ക് ആന്തരിക രക്തസ്രാവം രൂക്ഷമാണ്. അണുബാധ രൂക്ഷമായതിനാൽ അപകടനില തരണം ചെയ്യാൻ ദിവസങ്ങൾ വേണ്ടിവരുമെന്ന് ആശുപത്രി അധികൃതർ വ്യക്തമാക്കി.

കാക്കിനാഡ വൺ ടൗൺ പോലീസ് കേസെടുത്തു. പെൺകുട്ടിയുടെ മൊഴിൽ അന്വേഷണം ആരംഭിച്ചതായും പ്രതിയെക്കുറിച്ച് കുട്ടി മൊഴി നൽകിയിട്ടുണ്ടെന്നും പോലീസ് പറഞ്ഞു. പ്രതിയെ കണ്ടെത്താനുള്ള ശ്രമങ്ങൾ തുടരുകയാണ്.

Also Read: ലൈംഗിക പീഡനം ചെറുത്ത 9 വയസുകാരിയെ തലയ്‌ക്കടിച്ച് കൊന്നു; 14വയസുകാരൻ പിടിയിൽ

പുലർച്ചെ നാല് മണിയോടെയാണ് കുട്ടിയെ കാണാതായ വിവരം മാതാപിതാക്കളറിഞ്ഞത്. അയൽക്കാരുടെ സഹായത്തോടെ ഗ്രാമത്തിൽ നടത്തിയ പരിശോധനയിൽ രാവിലെ ആറ് മണിയോടെ കുട്ടിയെ കണ്ടെത്തി. ചോരയൊലിപ്പിച്ച് പരിക്കേറ്റ നിലയിലായിരുന്നു കുട്ടി. ഉടൻ തന്നെ കാക്കിനാഡ സർക്കാർ ജനറൽ ആശുപത്രിയിൽ പ്രവേശിപ്പിക്കുകയായിരുന്നു.