ജോലി തട്ടിപ്പ്: മുൻ ഐഎഎസ് ഉദ്യോഗസ്ഥൻ അറസ്റ്റിൽ

ചെന്നൈ: ഗതാഗതവകുപ്പിൽ നിന്ന് ഡെപ്യൂട്ടി സെക്രട്ടറിയായി വിരമിച്ച ഐഎഎസ് ഉദ്യോഗസ്ഥനെ ജോലി തട്ടിപ്പ് കേസിലെ അറസ്റ്റ് ചെയ്തു. വി.മോഹൻരാജാ(62) ണ് അറസ്റ്റിലായത്. ഗതാഗത വകുപ്പിൽ നിന്ന് 2017ലാണ് വി.മോഹൻരാജ് വിരമിച്ചത്.

അഞ്ചു കോടിയോളം രൂപ മോഹൻരാജ് ജോലി വാഗ്ദാനം നൽകി തട്ടിയെടുത്തെന്നാണ്‌ കേസ്. കോടതിയിൽ ഹാജരാക്കിയ പ്രതിയെ പിന്നീട് റിമാൻഡ് ചെയ്തു. മെഡിക്കൽ സീറ്റ് വാങ്ങി നൽകാം എന്ന് പറഞ്ഞ് നുങ്കമ്പാക്കം സ്വദേശിയിൽ 50 ലക്ഷം രൂപ മോഹൻ രാജ് തട്ടിയെടുത്തിരുന്നു. 106 പേരെ തിരുവണ്ണാമല ജില്ലയിൽ മാത്രം ഇയാൾ പറ്റിച്ചിട്ടുണ്ടെന്ന് പോലീസ് വ്യക്തമാക്കി.