തിരുവനന്തപുരം: തിരുവനന്തപുരം വിമാനത്താവളം വഴി സ്വർണം കടത്താൻ ശ്രമിച്ച കേസില്‍ എസ്ഐയും യുവതിയും അറസ്റ്റില്‍. വഞ്ചിയൂർ സ്റ്റേഷനിലെ ക്രൈം എസ്ഐ സഫീറിനെയാണ് ഡിആര്‍ഐ അറസ്റ്റ് ചെയ്ത്. സഫീറിനൊപ്പം യാത്ര ചെയ്ത പ്രിജി സിമിയും അറസ്റ്റിലായിട്ടുണ്ട്.
രണ്ട് കിലോ സ്വർണ്ണം കടത്താനായിരുന്നു സംഘം ശ്രമിച്ചത്. ദുബായിൽ നിന്നെത്തിയ ഇവരുടെ സീറ്റിനടയിലായിരുന്നു സ്വർണം. തുടര്‍ന്ന് നടത്തിയ ചോദ്യം ചെയ്യലിനൊടുവിലാണ് അറസ്റ്റ്. എമിറേറ്റ്സ് വിമാനത്തിലായിരുന്നു തിരുവനന്തപുരത്തേക്ക് ഇവർ സ്വർണം എത്തിച്ചത്.
Also Read: 'ആളിക്കത്തിയും ആഞ്ഞടിച്ചും'; 2019 ലെ പ്രകൃതി ദുരന്തങ്ങൾ ഇവ
ഡൽഹിയിലെ ട്രാവൽ ഏജൻസിയിൽ നിന്നാണ് ഇരുവരുടെയും ടിക്കറ്റെടുത്തിരിക്കുന്നതെന്നാണ് ഡിആർഐ പറയുന്നത്. ഇന്ന് പുലർച്ചെ നാലിനായിരുന്നു ഇവർ തലസ്ഥാനത്തെത്തിയത്. ബന്ധുക്കളെ കാണാൻ ദുബായിൽ പോകുന്നതിനാൽ എസ്ഐ സഫീർ കഴിഞ്ഞ ദിവസങ്ങളിൽ ലീവിലായിരുന്നുവെന്നാണ് റിപ്പോർട്ട്.