കൊല്ലം: കൊല്ലം കടയ്ക്കൽ ചപ്പാത്തുമുക്കിൽ ഭര്ത്താവ് ഭാര്യയെ തലയ്ക്കടിച്ച് കൊന്നു. റംലാ ബീവി (35) ആണ് മരിച്ചത്. ഇന്ന് രാത്രി ഒൻപതരയോടെ ആയിരുന്നു സംഭവം. വര്ഷങ്ങളായി റംലാ ബീവി ഭര്ത്താവുമായി പിണങ്ങി കഴിയുകയായിരുന്നു. ഭർത്താവിൻ്റെ അടിയേറ്റശേഷം ഗുരുതര പരിക്കുകളോടെയാണ് റംലാ ബീവിയെ കടയ്ക്കൽ താലൂക്ക് ആശുപത്രിയിൽ എത്തിച്ചത്. എന്നാൽ ജീവീൻ രക്ഷിക്കാൻ സാധിച്ചില്ല. തലയ്ക്ക് പിന്നിൽ അടിയേറ്റതാണ് മരണത്തിലേക്ക് നയിച്ചതെന്നാണ് പ്രാഥമിക നിഗമനം. റംലയുടെ മൃതദേഹം കടയ്ക്കൽ താലൂക്ക് ആശുപത്രിയിൽ സൂക്ഷിച്ചിരിക്കുകയാണ്.
അതേസമയം ഭര്ത്താവ് ഒളിവിലാണ്. ഭര്ത്താവിനൊപ്പം സഹായികള് ഉണ്ടായിരുന്നതായി പ്രദേശ വാസികള് സംശയം പ്രകടിപ്പിക്കുന്നുണ്ട്. പോലീസ് അന്വേഷണം ആരംഭിച്ചു.
അതേസമയം ഭര്ത്താവ് ഒളിവിലാണ്. ഭര്ത്താവിനൊപ്പം സഹായികള് ഉണ്ടായിരുന്നതായി പ്രദേശ വാസികള് സംശയം പ്രകടിപ്പിക്കുന്നുണ്ട്. പോലീസ് അന്വേഷണം ആരംഭിച്ചു.