സിനിമ കണ്ടത് 15 തവണ, ക്ലൈമാക്‌സ് അനുകരിച്ചു, ശരീരത്തില്‍ 20 ലിറ്റര്‍ പെട്രോള്‍ ഒഴിച്ച് കത്തിച്ച് 23 കാരന്‍

ബെംഗളൂരു: സിനിമയിലെ ക്ലൈമാക്‌സ് രംഗം അനുകരിച്ച് കര്‍ണാടകയില്‍ യുവാവ് ആത്മഹത്യ ചെയ്തു. തെലുങ്ക് ചിത്രമായ അരുന്ധതിയിലെ ആത്മാഹുതി രംഗം അനുകരിച്ചാണ് യുവാവിന്റെ ആത്മഹത്യ. കര്‍ണാടകയിലെ തുമാകുരു സ്വദേശിയായ രേണുക പ്രസാദ് ആണ് മരിച്ചത്.

Also Read: ഭാര്യയ്ക്ക് പകരം ജോലി ചെയ്യാനെത്തി, സ്‌കൂള്‍ ബസിന്‍റെ അടിയില്‍പെട്ട് ജീവനക്കാരന്‍ മരിച്ചത് മകളുടെ കണ്‍മുന്നില്‍ വെച്ച്

യുവാവ് 15 തവണയെങ്കിലും ഈ ചിത്രം കണ്ടിട്ടുണ്ടാകുമെന്നാണ് വിവരമെന്ന് പോലീസ് പറയുന്നു. സിനിമകളോട് യുവാവിന് അമിതമായ ഭ്രമം ഉണ്ടായിരുന്നതായി പോലീസ് കൂട്ടിച്ചേര്‍ത്തു. പതിനൊന്നാം ക്ലാസില്‍ വെച്ച് ഇയാള്‍ പഠനം നിര്‍ത്തിയിരുന്നു. സിനിമയിലെ കഥാപാത്രത്തെ പോലെ 20 ലിറ്റര്‍ പെട്രോള്‍ ശരീരത്തിലൊഴിച്ച് തീകൊളുത്തുകയായിരുന്നു.

ഇത് ശ്രദ്ധയില്‍പെട്ട വഴിയാത്രക്കാരാണ് യുവാവിനെ ആശുപത്രിയില്‍ എത്തിച്ചത്. അപ്പോഴേക്കും 60 ശതമാനത്തോളം ഇയാള്‍ക്ക് പൊള്ളലേറ്റിരുന്നു. പിറ്റേദിവസമാണ് ഇയാള്‍ മരിച്ചത്.

Also Read: ദേശീയ പതാക ഉയര്‍ത്താത്ത വീടുകളുടെ ചിത്രമെടുക്കണം, നിര്‍ദേശവുമായി ബിജെപി നേതാവ്, വിവാദം

പത്താംക്ലാസ് വരെ പഠനത്തില്‍ അസാധാരണമായ മികവ് പുലര്‍ത്തിയിരുന്ന വിദ്യാര്‍ഥിയായിരുന്നു രേണുക പ്രസാദെന്ന് ബന്ധുക്കള്‍ പറയുന്നു. അരുന്ധതി സിനിമയിലെ ആത്മാഹുതി രംഗങ്ങള്‍ അനുകരിക്കുന്നതിനെ കുറിച്ച് നേരത്തെ തന്നെ മാതാപിതാക്കളോട് യുവാവ് സംസാരിച്ചിരുന്നതായും പോലീസ് പറയുന്നു.