കണ്‍കെട്ട് വിദ്യയിലൂടെ മോഷണം; തലസ്ഥാനത്ത് ഇറാനിയൻ മോഷണസംഘം പിടിയിൽ

തിരുവനന്തപുരം : കണ്‍കെട്ട് വിദ്യയിലൂടെ മോഷണം നടത്തിയ സംഘത്തെ പോലീസ് പിടികൂടി. രാജ്യാന്തര മോഷണ സംഘം തിരുവനന്തപുരത്ത് വച്ചാണ് അറസ്റ്റിലായത്. കണ്‍ടോൺമെന്റ് പോലീസാണ് ഇവരെ അറസ്റ്റ് ചെയ്തത്.

Also Read : ട്രംപ് നയിച്ച വഴിയിൽ ബൈഡൻ; ഇസ്രായേലുമായുള്ള ബന്ധം സമാധാനപരമാക്കുവാന്‍ അറബ് രാജ്യങ്ങളെ പ്രാത്സാഹാപ്പിക്കും

ദാവൂദ്, മോഹ്സൻ, മജീദ്, എയ്നോല എന്നിവരാണ് അറസ്റ്റിലായിരിക്കുന്നത്. തിരുവനന്തപുരത്ത് ഒരു ആഡംബര ഹോട്ടലില്‍ മുറിയെടുത്തത് ശേഷം വിവിധ മോഷണങ്ങള്‍ ആസുത്രണം ചെയ്യുന്നതിനിടെയാണ് ഇവര്‍ പോലീസ് പിടിയിലായത്. ഹോട്ടൽ റെയ്ഡ് ചെയ്താണ് പോലീസ് ഇവരെ അറസ്റ്റ് ചെയ്യുന്നത്.

പണമിടപാട് സ്ഥാപനങ്ങള്‍ കൊള്ളയടിക്കുകയായിരുന്നു ലക്ഷ്യമെന്നാണ് പോലീസ് പറയുന്നത്. അതിന് പുറമെ, പ്രതികള്‍ മണി എക്സചേഞ്ച് സ്ഥാപനങ്ങള്‍ കൊള്ളയടിക്കാന്‍ പദ്ധതിയിട്ടിരുന്നതായും റിപ്പോര്‍ട്ടുണ്ട്.

Also Read : തുണച്ചത് മോദിയോ നിതീഷോ? ബിഹാറിൽ ബിജെപിയുടെ മിന്നും വിജയത്തിന് പിന്നിലെന്ത്

സംസ്ഥാനത്ത് നിരവധി മോഷണ കേസുകളിലെ പ്രതിയാണ് ഇവര്‍. തിരുവല്ല, ചേര്‍ത്തല ഭാഗത്തുള്ള വിവിധ കേസുകളിലെ പ്രതിയാണ് ഇവര്‍. അറസ്റ്റ് ചെയ്തതിന് പിന്നാലെ ഇവരുടെ ചിത്രങ്ങള്‍ പോലീസ് വെബ് സൈറ്റുകളില്‍ അപ്ലോഡ് ചെയ്യുകയായിരുന്നു. ഇതോടെയാണ് മറ്റ് സ്റ്റേഷനുകളില്‍ ഉള്ള കേസുകളെക്കുറിച്ച് വിവരങ്ങള്‍ ലഭിക്കുന്നത്.

കഴിഞ്ഞ മാസം പോണ്ടിച്ചേരിയിലും ഈ സംഘം മോഷണം നടത്തിയിരുന്നു. ജനുവരി മാസം മുതൽ ഈ ഇറാനിയൻ മോഷണ സംഘം ഇന്ത്യയിൽ മോഷണം നടത്തി വരികയാണെന്നും പോലീസ് അറിയിച്ചു. ഇവര്‍ക്ക് അന്താരാഷ്ട്ര കുറ്റവാളികളുമായി ബന്ധമുണ്ടെന്ന് കണ്ടെത്തിയതായും പോലീസ് വ്യക്തമാക്കി.

Also Read : ലോകത്താകമാനം യൂട്യൂബ് നിലച്ചു; പുനസ്ഥാപിച്ചത് മണിക്കൂറുകൾക്ക് ശേഷം

കേരളത്തിലെ വിവിധ ഭാഗങ്ങളില്‍ മോഷണം നടത്തിയ സംഘത്തെ ആലപ്പുഴ ചേര്‍ത്തല പോലീസിന് കൈമാറി.