പട്ടി കുരച്ചത് ഇഷ്ടപ്പെട്ടില്ല; ഉടമയെ കുത്തിക്കൊന്നു

ലഖ്നൗ: വളർത്തുനായ തങ്ങളെ നോക്കി കുരച്ചെന്നാരോപിച്ച് മൂന്നുപേർ ചേർന്ന് ഉടമയെ കുത്തിക്കൊന്നു. ഉത്തർപ്രദേശിലെ സീതാപൂർ ജില്ലയിൽ ഞായറാഴ്ചയാണ് സംഭവം. സച്ചിൻ കുമാർ (25) ആണ് കൊല്ലപ്പെട്ടത്. സിദ്ധൗലിയിലെ കസബ ബസാറിലെ താമസക്കാരനാണ് കൊല്ലപ്പെട്ട സച്ചിൻ.

Also Read: ഡല്‍ഹിയില്‍ ഇരട്ടക്കൊലപാതകം; ബിജെപി പ്രവര്‍ത്തകനെ വെടിവെച്ചുകൊന്നു, തടഞ്ഞ മകന്‍ കുത്തേറ്റ് മരിച്ചു

ഞായറാഴ്ച രാത്രി നായയുമായി നടക്കാൻ ഇറങ്ങിയതായിരുന്നു സച്ചിൻ. ഇതിനിടെ പ്രതികളെ നോക്കി നായ കുരച്ചു. ഇതിൽ പ്രതോപിതരായ പ്രതികൾ സച്ചിനെ കത്തി ഉപയോഗിച്ച് ആക്രമിക്കുകയായിരുന്നു. ഉമ, രോഹിത്, ഗോവിന്ദ് എന്നിവരാണ് യുവാവിനെ ആക്രമിച്ചത്. സംഭവത്തിൽ ഒരാൾ അറസ്റ്റിലായെന്നും മറ്റ് രണ്ടുപേർ ഒളിവിലാണെന്നും പോലീസ് വ്യക്തമാക്കി.

Also Read: പുരുഷന്മാരുടെ ലിംഗം മോഷ്‍ടിക്കുന്നു; ക്രിസ്ത്യന്‍ പാസ്റ്ററെ 'ആഭിചാരം' ആരോപിച്ച് തല്ലിക്കൊന്നു

സച്ചിന്റെ കരച്ചിൽ കേട്ടെത്തിയ സഹോദരങ്ങളായ സോനുവിനേയും സുനിലിനേയും പ്രതികൾ ക്രൂരമായി മർദ്ദിച്ചു. തുടർന്ന് നാട്ടുകാർ ഓടിയെത്തിയപ്പോഴേക്കും പ്രതികൾ രക്ഷപെടുകയായിരുന്നു. സച്ചിനേയും സഹോദരങ്ങളേയും അടുത്തുള്ള ആശുപത്രിയിൽ ഉടൻ എത്തിച്ചെങ്കിലും സച്ചിന്റെ ജീവൻ രക്ഷിക്കാനായില്ല.