ഭർത്താവിനെ ബന്ദിയാക്കി ഭാര്യയെ 17 പേർ ചേർന്ന് ബലാത്സംഗം ചെയ്ത സംഭവം; വനിതാ കമ്മീഷൻ റിപ്പോർട്ട് തേടി

ന്യൂഡൽഹി: മാർക്കറ്റിൽ നിന്ന് സാധനങ്ങൾ വാങ്ങി വരുന്നതിനിടെ ഭർത്താവിനെ ബന്ദിയാക്കി യുവതിയെ 17 പേർ ചേർന്ന് ബലാത്സംഗം ചെയ്തു. ജാർഖണ്ഡിലെ ദുംക ജില്ലയിൽ കഴിഞ്ഞദിവസമാണ് ഞെട്ടിക്കുന്ന സംഭവം നടന്നത്. ചൊവ്വാഴ്ച രാത്രി എട്ട് മണിയോടെയാണ് സംഭവമെന്നാണ് 35കാരിയുടെ പരാതിയിൽ പറയുന്നത്.

സംഭവത്തിൽ ഇടപെട്ട ദേശീയ വനിതാ കമ്മിഷൻ രണ്ട് മാസത്തിനുള്ളിൽ അന്വേഷണം പൂർത്തീകരിക്കണമെന്ന് ആവശ്യപ്പെട്ടിട്ടുണ്ട്. സംഭവത്തിൽ സംസ്ഥാന പോലീസിനോട് വനിതാ കമ്മിഷൻ റിപ്പോർട്ട് തേടുകയും ചെയ്തു.

Also Read : ഗർഭച്ഛിദ്രത്തിന് കാമുകൻ നൽകിയ ഗുളിക കഴിച്ച് യുവതി മരിച്ചു; ദാരുണാന്ത്യം യുവാവിന്‍റെ വിവാഹദിനത്തിൽ

പുറത്തുവരുന്ന റിപ്പോർട്ടുകളനുസരിച്ച് ഭർത്താവിനെ ബന്ദിയാക്കിയശേഷമാണു യുവതിയെ സംഘം പീഡിപ്പിച്ചത്. അക്രമികൾ മദ്യലഹരിയിലായിരുന്നെന്നാണ് യുവതി പോലീസിനോട് പറഞ്ഞത്. പ്രതികളിൽ ഒരാൾ പരിചയക്കാരനാണെന്നു യുവതി മൊഴി നൽകിയിട്ടുണ്ട്. ഇയാൾ പോലീസ് കസ്റ്റഡിയിലാണ്.

Also Read : മസാജ് പാര്‍ലറിന്റെ മറവിൽ പെണ്‍വാണിഭം; ടിക് ടോക്ക് സൂപ്പർ താരം അറസ്റ്റിൽ

അക്രമി സംഘത്തിലെ ഒരാളെ ‌യുവതിയ്ക്ക് അറിയാവുന്നതാണ്. ഇയാളെ പൊലീസ് പിടികൂടിയിട്ടുണ്ടെന്നും, ഇയാളെ ചോദ്യം ചെയ്ത് വരികയാണെന്നുമാണ് റിപ്പോർട്ട്. മറ്റ് പ്രതികളെ തിരിച്ചറിയാൻ മാർക്കറ്റിലെയും സമീപത്തെയും സിസിടിവി ദൃശ്യങ്ങൾ പോലീസ് പരിശോധിക്കുന്നുണ്ടെന്ന് ഷാന്തല്‍ ഏരിയ ഡെപ്യൂട്ടി ഇന്‍സ്പെക്ടര്‍ സുദര്‍ശന്‍ മണ്ഡല്‍ പറഞ്ഞു.