പ്രണയ വിവാഹം, സംശയം...
പെരിയവിള സ്വദേശിയായ സെന്തിൽ സിങ്കപ്പൂരിലാണ് ജോലി ചെയ്തിരുന്നത്. എട്ടുവർഷം മുൻപാണ് ഇവർ വിവാഹിതരായത്. പ്രണയവിവാഹമായിരുന്നു ജ്ഞാനഭാരതിയുടേതും സെന്തിലിന്‍റേതും. ദമ്പതികൾക്ക് രണ്ട് മക്കളുമുണ്ട്. എന്നാൽ പിന്നീട് ഇയാൾക്ക് ഭാര്യയെ സംശയം ആരംഭിക്കുകയായിരുന്നു. ഇതിന്‍റെ പേരിൽ ഇരുവരും നിരന്തരം വഴക്കിട്ടിരുന്നെന്നാണ് ബന്ധുക്കൾ പറയുന്നത്. ഭർത്താവിന്‍റെ സംശയരോഗത്തെ തുടർന്നുള്ള മാനസിക പീഡനം മൂലമാണ് ജ്ഞാനഭാരതി ആത്മഹത്യ ചെയ്തതെന്നും ബന്ധുക്കൾ ആരോപിച്ചു.
റൂമിൽ വേറെ ആളുണ്ടെന്ന് ആരോപണം
കൊട്ടാരം പഞ്ചായത്ത് ഓഫിസിൽ താൽക്കാലിക ജീവനക്കാരിയായിരുന്നു ജ്ഞാനഭാഗ്യ. ദിവസവും ഭർത്താവുമായി ഇവർ വീഡിയോകോളിൽ സംസാരിച്ചിരുന്നു. കഴിഞ്ഞദിവസം രാത്രി വീഡിയോകോൾ ചെയ്യുന്നതിനിടെയാണ് പ്രശ്നങ്ങൾ ആരംഭിച്ചത്. രണ്ട് കുട്ടികളെയും ഉറക്കികിടത്തിയ ശേഷം ജ്ഞാനഭാഗ്യ ഭര്‍ത്താവിനെ വീഡിയോകോള്‍ ചെയ്തു. ഇതിനിടയിൽ ഭാര്യയ്ക്കൊപ്പം റൂമിൽ മറ്റാരോ ഉണ്ടെന്ന് സെന്തിൽ ആരോപിക്കുകയായിരുന്നു. തുടർന്ന് ഇരുവരും തർക്കിച്ചു. മുറിയുടെ മുഴുവൻ ദൃശ്യവും ക്യാമറയിൽ കാണിക്കാൻ സെന്തിൽ ആവസ്യപ്പെട്ടത് യുവതിയെ മാനസികമായി തളർത്തുകയായിരുന്നെന്നാണ് റിപ്പോർട്ട്.
കിടപ്പുമുറി കാണിക്കാൻ ആവശ്യപ്പെട്ടു
താനും മക്കളും മാത്രമേ മുറിയിൽ ഉള്ളൂവെന്ന് പലതവണ പറഞ്ഞിട്ടും കിടപ്പുമുറി ഉൾപ്പെടെയുള്ളവ തത്സമയം കാണിക്കാൻ ആവശ്യപ്പെട്ടതോടെയാണ് യുവതി ജീവനൊടുക്കിയതെന്നാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. താൻ പറയുന്നത് സെന്തിൽ കേൾക്കാതെ വന്നതോടെ ക്യാമറ ഓഫാക്കാതെ തന്നെ കിടപ്പുമുറിയിൽ വെച്ച് യുവതി ജീവനൊടുക്കുകയായിരുന്നു.
അന്വേഷണം ആരംഭിച്ചു
ജ്ഞാനഭാരതിയ്ക്ക് രഹസ്യബന്ധമുണ്ടെന്ന് സെന്തിൽ സംശയിച്ചിരുന്നെന്നാണ് ബന്ധുക്കൾ ആരോപിക്കുന്നത്. യുവതി മറ്റുപുരുഷന്മാരുമായി ഇടപഴകുന്നതിൽ സെന്തിൽ എതിർപ്പ് പ്രകടിപ്പിച്ചിരുന്നു. ദമ്പതികൾ തമ്മിൽ ഇതിനെച്ചൊല്ലി നിരന്തരം പ്രശ്നമുണ്ടായിരുന്നെന്നും ബന്ധുക്കളുടെ പരാതിയിലുണ്ട്. യുവതിയുടെ മരണത്തിൽ കേസെടുത്തെന്നും അന്വേഷണം പുരോഗമിക്കുകയാണെന്നും പോലീസ് വ്യക്തമാക്കി.