ബാങ്ക് കൊള്ളക്കിടെ അമേരിക്കയിൽ മലയാളി കൊല്ലപ്പെട്ടു

ഫ്ലോറിഡ: ബാങ്ക് മോഷണതിനിടെ അക്രമി മലയാളിയെ കൊലപ്പെടുത്തി. കോട്ടയം പേരൂർ സ്വദേശി മാത്യു കൊരട്ടിയിൽ (68) ആണ് കൊല്ലപ്പെട്ടത്. യുഎസിലെ ഹിൽസ്ബർഗ് കൗണ്ടിയിലെ സെന്റർ സ്റ്റേറ്റ് ബാങ്കിലാണ് കൊള്ള നടന്നത്. രാവിലെ 10:30 ഓടെ ജെയിംസ് ഹാൻസൻ എന്നയാളാണ് കൊള്ളയടിച്ചത്. അക്രമം നടന്ന് മണിക്കൂറുകൾക്ക് ശേഷമാണ് മാത്യുവിന്റെ മൃതദേഹം പോലീസ് കണ്ടെടുത്തത്.

പണമിടപാടിന് ബാങ്കിൽ എത്തിയതായിരുന്നു മാത്യു. ബാങ്ക് കൊള്ള നടത്തിയ ശേഷം അക്രമി തോക്കു ചൂണ്ടി മാത്യുവിന്റെ വാഹനം തട്ടിയെടുത്തു. ബാങ്ക് പരിസരത്തുള്ളവരെ ഭീഷണിപ്പെടുത്തിയാണ് അക്രമി മാത്യൂവിന്റെ എസ്‌യുവി വാഹനം തട്ടിയെടുത്തത്. മാത്യുവിനെ സൈഡ് സീറ്റിലിരുത്തിയാണ് അക്രമി വാഹനമോടിച്ചു പോയത്. പോലീസ് ജെയിംസ് ഹാൻസൻ എന്ന അക്രമിയെ പിന്തുടർന്ന് പിടികൂടി. എന്നാൽ, മാത്യുവിനെ കണ്ടെത്താൻ കഴിഞ്ഞിരുന്നില്ല. തുടർന്ന് നടത്തിയ അന്വേഷണത്തിലാണ് സെക്രട്ട് ഹാർട്ട് ക്‌നാനായ കമ്യൂണിറ്റി സെന്ററിന് സമീപത്ത് നിന്ന് മാത്യുവിന്റെ മൃതദേഹം കണ്ടെത്തിയത്.