ശ്രീറാമിന്‍റെ ജാമ്യത്തിന് സ്റ്റേ ഇല്ല; പോലീസിനെ വിമർശിച്ച് ഹൈക്കോടതി

കൊച്ചി: ശ്രീറാം വെങ്കിട്ടരാമന് മജിസ്‌ട്രേറ്റ് കോടതി അനുവദിച്ച ജാമ്യം സ്റ്റേ ചെയ്യാതെ ഹൈക്കോടതി.ശ്രീറാമിന് അനുവദിച്ച ജാമ്യം റദ്ദാക്കണമെന്ന് ആവശ്യപ്പെട്ട് സർക്കാരാണ് ഹൈക്കോടതിയിൽ ഹർജി നൽകിയത്. മദ്യപിച്ച് വാഹനമോടിച്ച് മാധ്യമപ്രവർത്തകനെ കൊലപ്പെടുത്തിയ കേസിൽ ശ്രീറാം വെങ്കിട്ടരാമന് ഇന്നലെ ജാമ്യം ലഭിച്ചിരുന്നു. സർക്കാർ ആവശ്യപ്രകാരം ഹർജി ഇന്ന് തന്നെ ഹൈക്കോടതി പരിഗണിച്ചു. സർക്കാർ ഹർജി വെള്ളിയാഴ്ച വീണ്ടും ഹൈക്കോടതി പരിഗണിക്കും.

ശ്രീറാമിന് ജാമ്യം അനുവദിക്കരുതെന്ന് പ്രോസിക്യൂഷൻ ഹൈക്കോടതിയിൽ വാദിച്ചു. എന്നാൽ, ഹൈക്കോടതി പോലീസിനെതിരെ രൂക്ഷവിമർശനമുന്നയിച്ചു. ശ്രീറാം പോലീസിനെ പറ്റിച്ചെന്ന് സർക്കാർ കോടതിയിൽ വാദിച്ചു.ശ്രീറാമിന്റെ കേസ് കൈകാര്യം ചെയ്യുന്നതിൽ പൊലീസിന് വീഴ്ചയുണ്ടായെന്ന് ചൂണ്ടിക്കാട്ടുന്ന രീതിയിലാണ് ഹൈക്കോടതി വിമർശനമുന്നയിച്ചത്. പോലീസ് സമർപ്പിച്ച തെളിവുകൾ വെച്ച് അശ്രദ്ധമായ ഡ്രൈവിങ് എന്ന് മാത്രമല്ലെ പറയാൻ കഴിയൂ എന്ന് കോടതി ചോദിച്ചു. ശ്രീറാമിന് ഹൈക്കോടതി നോട്ടീസ് അയക്കും.

ശ്രീറാം വെങ്കിട്ടരാമന്‍റെ ജാമ്യം റദ്ദാക്കണമെന്ന് സർക്കാർ ഹൈക്കോടതിയിൽ

ഗവർണർ അടക്കമുള്ളവർ താമസിക്കുന്ന സംസ്ഥാന തലസ്ഥാനത്തെ പ്രധാനവീഥിയിലെ സിസിടിവി ക്യാമറകൾ പ്രവർത്തനരഹിതമാണെന്ന് എങ്ങനെ പറയും. തെളിവ് നശിപ്പിക്കാനുള്ള ശ്രമം എന്ത് കൊണ്ട് പോലീസ് തടഞ്ഞില്ലെന്നും കോടതി ചോദിച്ചു.കൃത്യ സമയത്ത് ശ്രീറാമിന്റെ രക്തം പരിശോധിക്കാതിരുന്നതിന് ന്യായീകരണമില്ല. 10 മണിക്കൂറിന് ശേഷമാണോ രക്തം പരിശോധിക്കുന്നത്, ശ്രീറാമിന് എതിരായ തെളിവ് അയാൾ കൊണ്ടുവരുമോ എന്നും ഹൈക്കോടതി ചോദിച്ചു.

അതെ സമയം, ശ്രീറാമിനെ ആശുപത്രിയിൽ നിന്ന് ഡിസ്‌ചാർജ് ചെയ്യുന്ന കാര്യത്തിൽ ഇന്ന് മെഡിക്കൽ ബോർഡ് തീരുമാനമെടുക്കും. ജാമ്യം ലഭിച്ചതിനാൽ ശ്രീറാമിനെ സ്വകാര്യ ആശുപത്രിയിലേക്ക് മാറ്റിയേക്കുമെന്ന് സൂചനയുണ്ട്. അപകടം നടന്ന് പത്ത് മണിക്കൂറുകൾക്ക് ശേഷമാണ് ശ്രീറാമിന്റെ രക്തം പരിശോധനക്കായി എടുത്തത്. ഏറെ വൈകിയതിനാൽ, പരിശോധനയിൽ മദ്യത്തിന്റെ അംശം കണ്ടെത്താൻ കഴിഞ്ഞില്ല. രക്തത്തിൽ മദ്യത്തിന്റെ അംശം ഇല്ലെന്ന നിർണായക തെളിവ് പുറത്തവന്നതാണ് ശ്രീറാമിന് ജാമ്യം കിട്ടാൻ സഹായകമായത്. സർക്കാർ നൽകിയ ഹർജി ഇന്ന് ഉച്ചക്ക് ശേഷം ഹൈക്കോടതി പരിഗണിക്കും.

ശ്രീറാം മദ്യപിച്ചിരുന്നു; കാര്‍ അമിത വേഗതയില്‍: വഫയുടെ മൊഴി നിര്‍ണായകം

ശ്രീറാമിന് മജിസ്‌ട്രേറ്റ് അനുവദിച്ച ജാമ്യം നിലനിൽക്കില്ലെന്നാണ് സർക്കാർ വാദം. മജിസ്‌ട്രേറ്റ് കോടതിയാണ് ഇന്നലെ ജാമ്യം അനുവദിച്ചത്. എന്നാൽ, സെഷൻസ് കോടതിയിൽ വിചാരണ നടക്കേണ്ട കേസിൽ മജിസ്‌ട്രേറ്റ് കോടതിക്ക് ജാമ്യം നൽകാൻ കഴിയില്ലെന്ന് സർക്കാർ ഹൈക്കോടതിയിൽ വാദിക്കും. ഇന്ന് ചേരുന്ന മെഡിക്കൽ ബോർഡ് കഴിഞ്ഞ ദിവസങ്ങളിൽ ശ്രീറാമിന് ലഭിച്ച ചികിത്സകൾ വിലയിരുത്തും. ശ്രീറാമിന് ജാമ്യം നൽകരുതെന്ന് പ്രോസിക്യൂഷൻ വാദിച്ചെങ്കിലും ഫലമുണ്ടായില്ല. കൂടാതെ, ശ്രീറാമിനെ കസ്റ്റഡിയിൽ വേണമെന്ന പോലീസിന്റെ വാദവും കോടതി ഇന്നലെ അംഗീകരിച്ചില്ല.