ആലപ്പുഴ: നെടുമ്പാശ്ശേരി വിമാനത്താവളം വഴി രണ്ടര കിലോ സ്വര്ണ്ണം കടത്തിയ സംഭവത്തിൽ യുവതി പിടിയിൽ. ആലപ്പുഴ സ്വദേശിയായ ശ്രീലക്ഷ്മി ആണ് പിടിയിലായത്. രണ്ടര മാസം മുൻപ് നടന്ന സംഭവത്തിൽ കസ്റ്റംസ് ഇന്റലിജൻസാണ് യുവതിയെ പിടികൂടിയത്. വിമാനതതാവളത്തിലെ ശുചിമുറിയിൽ നിന്നായിരുന്നു രണ്ടര കിലോ സ്വര്ണ്ണം കണ്ടെടുത്തത്. ശുചിമുറിയിൽ സൂക്ഷിച്ച നിലയിൽ രണ്ടര കിലോ സ്വര്ണ്ണം കണ്ടെത്തിയെങ്കിലും ആരാണ് സ്വര്ണ്ണം ഇവിടെ വെച്ചത് എന്ന കാര്യം കണ്ടെത്താൻ കഴിഞ്ഞിരുന്നില്ല. സംഭവത്തിൽ സംശയം ജീവനക്കാര്ക്ക് നേരെയായിരുന്നെങ്കിലും തുടര്ന്ന് അന്ന് വിമാനയാത്ര നടത്തിയവരുടെ പട്ടിക തയ്യാറാക്കി അന്വേഷണം നടത്തുകയായിരുന്നു. ഇതിൽ സ്ഥിരമായി വിമാനത്താവളത്തിലെത്തുന്ന യാത്രക്കാരെ തരംതിരിച്ച് കൂടുതൽ അന്വേഷണം നടത്തിയതോടെയാണ് ശ്രീലക്ഷ്മി പിടിക്കപ്പെട്ടത്.
പിടിക്കപ്പെടാൻ സാധ്യതയുണ്ടെന്നറിഞ്ഞ് ദുബായിലേയ്ക്ക് മടങ്ങിയ ശ്രീലക്ഷ്മി ഇന്ന് രാവിലെ തിരിച്ച് കേരളത്തിലേയ്ക്ക് വരുന്നതിനിടെയാണ് അറസ്റ്റിലായത്.
പിടിക്കപ്പെടാൻ സാധ്യതയുണ്ടെന്നറിഞ്ഞ് ദുബായിലേയ്ക്ക് മടങ്ങിയ ശ്രീലക്ഷ്മി ഇന്ന് രാവിലെ തിരിച്ച് കേരളത്തിലേയ്ക്ക് വരുന്നതിനിടെയാണ് അറസ്റ്റിലായത്.