വയോധികൻ ഭാര്യയെ തീ കൊളുത്തി കൊലപ്പെടുത്തി

കോട്ടയം: വയോധികനായ ഭർത്താവ് തർക്കത്തെ തുടർന്ന് ഭാര്യയെ തീകൊളുത്തി കൊന്നു. കോട്ടയം മണിമലയിൽ ശോശാമ്മ (78) യെയാണ് ഭർത്താവ് തീ കൊളുത്തി കൊലപ്പെടുത്തിയത്.

ശോശാമ്മയുടെ ഭർത്താവ് വർഗീസ് മാത്യുവിന് ശരീരത്തിൽ പൊള്ളലേറ്റു. വസ്തുതർക്കമാണ് കൊലപാതകത്തിലേക്ക് നയിച്ചതെന്ന് പോലീസ് പറഞ്ഞു. പൊള്ളലേറ്റ ശോശാമ്മയെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും വൈകുന്നേരത്തോടെ മരിച്ചു. ഇരുവരും തമ്മിൽ കുറച്ചു ദിവസങ്ങളായി തർക്കം ഉണ്ടായിരുന്നതായി പോലീസ് പറഞ്ഞു. ഇന്ന് രാവിലെ എട്ടരയോടെയാണ് വർഗീസ് മാത്യു ശോശാമ്മയെ തീ കൊളുത്തിയത്.