അനുജന്മാ‍ര്‍ ചേര്‍ന്ന് കൂട്ടബലാത്സംഗം ചെയ്തെന്ന് യുവതിയുടെ പരാതി; മാതാപിതാക്കള്‍ക്കെതിരെ ഗൂഢാലോചനക്കുറ്റം

ഭോപ്പാൽ: ഇളയ സഹോദരന്മാര്‍ ചേര്‍ന്ന് കൂട്ടബലാത്സംഗത്തിന് ഇരയാക്കിയെന്ന് പരാതിയുമായി 36കാരിയായ യുവതി. വിവാഹമോചിതയായ യുവതിയാണ് തന്‍റെ രണ്ട് സഹോദരന്മാര്‍ക്കെതിരെ പോലീസിൽ പരാതി നല്‍കിയത്. എട്ടു മാസം മുൻപ് താൻ ബലാത്സംഗത്തിന് ഇരയായെന്നും മാതാപിതാക്കള്‍ ഇടപെട്ട് സംഭവം മൂടിവെക്കുകയായിരുന്നുവെന്നുമാണ് യുവതിയുടെ ആരോപണം.

മാതാപിതാക്കള്‍ തന്നെ മര്‍ദ്ദിച്ചെന്നും പോലീസിൽ പരാതി നല്‍കരുതെന്ന് ആവശ്യപ്പെട്ട് ഭീഷണിപ്പെടുത്തിയെന്നും യുവതി ആരോപിച്ചു. പരാതിയെ തുടര്‍ന്ന് യുവതിയുടെ സഹോദരന്മാര്‍ക്കെതിരെ പോലീസ് ബലാത്സംഗക്കുറ്റത്തിന് കേസെടുത്തു. മാതാപിതാക്കള്‍ക്കെതിരെ ഗൂഢാലോചനയ്ക്കും കേസെടുത്തിട്ടണ്ടെന്ന് ടൈംസ് ഓഫ് ഇന്ത്യ റിപ്പോര്‍ട്ട് ചെയ്തു.

Also Read: 'കേരളം വലിയ വില കൊടുക്കുന്നു'; കൊവിഡ് പ്രതിരോധത്തിൽ വീഴ്ചയുണ്ടായെന്ന് കേന്ദ്ര ആരോഗ്യമന്ത്രി

അതേസമയം, പരാതിക്കാരിയായ യുവതിയ്ക്കെതിരെ അമ്മ മുൻപ് പോലീസിൽ പരാതി നല്‍കിയിരുന്നതായും ഉദ്യോഗസ്ഥര്‍ അറിയിച്ചു. അപമാനിച്ചെന്നും പണം തട്ടിയെടുത്തെന്നും ആരോപിച്ചായിരന്നു യുവതിയ്ക്കെതിരെ അമ്മ പോലീസിൽ പരാതി നല്‍കിയത്. ഇതേത്തുടര്‍ന്ന് യുവതിയെ അറസ്റ്റ് ചെയ്യുകയും കോടതിയിൽ ഹാജരാക്കുകയും ചെയ്തിരുന്നു. കുടുംബത്തിൻ്റെ പേരിലുള്ള വീട് തൻ്റെ പേരിൽ എഴുതിത്തരണമെന്നും സഹോദരന്മാരിൽ നിന്ന് 10 ലക്ഷം രൂപ വീതം തനിക്ക് കിട്ടണമെന്നും യുവതി ആവശ്യപ്പെട്ടെന്നായിരുന്നു അന്ന് അമ്മയുടെ പരാതി.

Also Read: തിന്മയ്ക്ക് മേൽ നന്മ ജയം നേടട്ടെ; നവരാത്രി ആശംസകളുമായി ജോ ബൈഡനും കമലാ ഹാരിസും

അതേസമയം, ബലാത്സംഗ ആരോപണവുമായി എത്തിയ യുവതി ഭര്‍ത്താവിൽ നിന്ന് അകന്നു കഴിയുകയാണെന്നും രണ്ടാം ഭര്‍ത്താവിനെതിരെ വിവാഹ മോചന നടപടികള്‍ തുടരുകയാണെന്നും പോലീസ് വ്യക്തമാക്കി.