തൃശ്ശൂർ: നേവിയിൽ ജോലിവാഗ്ദാനംചെയ്ത് റിക്രൂട്ട്മെന്റ് സ്ഥാപനം നടത്തിയ യുവാവ് അറസ്റ്റിൽ. നേവിയിൽ കമ്മീഷന്റ് ഓഫീസർ എന്ന വ്യാജേന റിക്രൂട്ട്മെന്റ് സ്ഥാപനം നടത്തിയ കോട്ടയം കൊണ്ടൂര് വില്ലേജ് പിണ്ണാക്കനാട് കരയില് കണ്ണാമ്പിള്ളി വീട്ടില് മാനുവലിന്റെ മകന് ജോബിന് മാനുവലിനെ (28) പാലാരിവട്ടം പോലീസ് അറസ്റ്റ് ചെയ്തു. പാലാരിവട്ടത്ത് ഗാസ ഇന്റര്നാഷ്ണല് എന്ന പേരിലാണ് ഇയാൾ റിക്രൂട്ട്മെന്റ് സ്ഥാപനം നടത്തിയിരുന്നത്. വിശാഖപട്ടണം, കൊച്ചി നേവൽ ബെയ്സുകളിൽ ജൂനിയർ ക്ലർക്കായി ജോലി വാങ്ങിനൽകാം എന്നു വാഗ്ദാനംചെയ്തായിരുന്നു തട്ടിപ്പ്. ഇയാളിൽനിന്നും ഉയർന്ന റാങ്കിലുള്ള നേവൽ ഓഫീസറുടെ യൂണീഫോമും ചിഹ്നങ്ങളും കണ്ടെടുത്തു. ഇയാളില് നിന്ന് ഈസ്റ്റേണ് നേവല് കമാന്ഡ് ഉദ്യോഗസ്ഥനാണെന്നുള്ള വ്യാജ ഐഡന്റിറ്റി കാര്ഡും പ്രവേശനപാസും കണ്ടെത്തിയിട്ടുണ്ട്.
കൊച്ചി നേവൽ ബേസിലുള്ള ഉദ്യോഗസ്ഥർക്ക് സംഭവത്തിൽ പങ്കുണ്ടോയെന്ന് അന്വേഷിക്കുന്നുണ്ട്. ഇയാള് പലതവണ കൊച്ചിന് നേവല് ബെയ്സ് പോലുള്ള തന്ത്രപ്രധാനമായ മേഖലകളില് സന്ദര്ശനം നടത്തിയിരുന്നതായും പൊലീസ് വ്യക്തമാക്കി.
കൊച്ചി നേവൽ ബേസിലുള്ള ഉദ്യോഗസ്ഥർക്ക് സംഭവത്തിൽ പങ്കുണ്ടോയെന്ന് അന്വേഷിക്കുന്നുണ്ട്. ഇയാള് പലതവണ കൊച്ചിന് നേവല് ബെയ്സ് പോലുള്ള തന്ത്രപ്രധാനമായ മേഖലകളില് സന്ദര്ശനം നടത്തിയിരുന്നതായും പൊലീസ് വ്യക്തമാക്കി.