ആലപ്പുഴ: ചാത്തനാട് പള്ളിയിലെ കാണിക്കവഞ്ചി കുത്തിത്തുറന്ന് പണം മോഷ്ടിച്ച കേസിലെ പ്രതി അറസ്റ്റിൽ. കൊല്ലം സ്വദേശി ഷാജഹാനെയാണ് പോലീസ് പിടികൂടിയത്. നിരവധി മോഷണകേസുകളിലെ പ്രതിയാണ് ഇയാൾ. ആലപ്പുഴ പങ്കജ് തിയറ്ററിനു സമീപത്താണ് ഇയാളുടെ താമസം. ആറുമാസം മുമ്പ് വഴിചേരി മുസ്ലിം പള്ളിയുടെ കാണിക്ക വഞ്ചി ഇയാൾ കുത്തിപ്പൊളിച്ചിരുന്നു. തുടർന്ന് ജയിൽ ശിക്ഷ കഴിഞ്ഞ് പുറത്തിറങ്ങിയ ശേഷമാണ് ഇയാൾ വീണ്ടും മോഷണം നടത്തിയത്. മോഷ്ടിച്ച സൈക്കിൾ ഉപയോഗിച്ചാണ് ഇയാൾ മോഷണം നടത്തിയതെന്ന് പോലീസ് പറയുന്നു.
പത്തോളം കേസുകളിൽ ഇയാൾ പ്രതിയാണ്. ആലപ്പുഴയിലും കൊല്ലത്തും ഷാജഹാനെതിരെ കേസ് നിലവിലുണ്ട്. കോടതിയിൽ ഹാജരാക്കിയ പ്രതിയെ 15 ദിവസത്തേക്ക് റിമാൻഡ് ചെയ്തു.
പത്തോളം കേസുകളിൽ ഇയാൾ പ്രതിയാണ്. ആലപ്പുഴയിലും കൊല്ലത്തും ഷാജഹാനെതിരെ കേസ് നിലവിലുണ്ട്. കോടതിയിൽ ഹാജരാക്കിയ പ്രതിയെ 15 ദിവസത്തേക്ക് റിമാൻഡ് ചെയ്തു.