13 കാരിയെ 8 മണിക്കൂർ കെട്ടിയിട്ട് പീഡിപ്പിച്ചു; പ്രതിക്കായി വലവിരിച്ച് പോലീസ്

നോയിഡ: പതിമൂന്നുകാരിയെ എട്ട് മണിക്കൂറോളം വീട്ടിൽ പൂട്ടിയിട്ട് പീഡിപ്പിച്ചതായി പരാതി. ഗ്രേറ്റർ നോയിഡയിലെ ബിസ്രാക്ക് പ്രദേശത്താണ് സംഭവം. പ്രതിക്കായി അന്വേഷണം നടത്തുകയാണെന്ന് പോലീസ് പറഞ്ഞു. തിങ്കളാഴ്ച വൈകുന്നേരമാണ് സംഭവം. പ്രതിക്കെതിരെ പോക്സോ വകുപ്പുകൾ ചുമത്തി.

Also Read: പങ്കാളി സ്ത്രീയല്ലെന്ന് വീട്ടുകാരറിഞ്ഞത് പോസ്റ്റ് മോർട്ടത്തിന് ശേഷം; സ്വവർഗ ദമ്പതികൾ ഒരുമിച്ച് ജീവിച്ചത് 8 വർഷം

പെൺകുട്ടിയെ തന്റെ മുറിയിലേക്ക് വലിച്ചിഴച്ച പ്രതി മുറിയിൽ കെട്ടിയിട്ട് പീഡിപ്പിക്കുകയായിരുന്നുവെന്നാണ് പോലീസ് പറയുന്നത്. പീഡനത്തിനു ശേഷം പെൺകുട്ടിയെ മുറിയിൽ പൂട്ടിയിട്ട ശേഷം പ്രതി സ്ഥലത്തു നിന്നും മുങ്ങി. പെൺകുട്ടിയെ കാണാനില്ലെന്നുകാട്ടി വീട്ടുകാർ പരാതി നൽകിയതിനെത്തുടർന്ന് പോലീസ് നടത്തിയ അന്വേഷണത്തിലാണ് സംഭവം പുറത്തറിയുന്നത്.

Also Read: മകളെ വിറ്റെന്ന് സംശയം; ദളിത് യുവാവിനെ നാട്ടുകാർ തല്ലിക്കൊന്നു

പ്രതിയുടെ മുറിയുടെ വാതിൽ പുറത്തു നിന്നും പൂട്ടിയ നിലയിലായിരുന്നു. തുടർന്ന് വാതിൽ തകർത്ത് അകത്ത് പ്രവേശിച്ചപ്പോൾ നിലത്ത് അബോധാവസ്ഥയിൽ കിടക്കുകയായിരുന്നു പെൺകുട്ടി. മകളെ ബോധം കെടുത്തിയ ശേഷമാണ് പ്രതി പീഡിപ്പിച്ചതെന്ന് കുട്ടിയുടെ പിതാവ് പോലീസിൽ നൽകിയ പരാതിയിൽ പറയുന്നു. പ്രതിക്കായി അന്വേഷണം വ്യാപിപ്പിച്ചിട്ടുണ്ടെന്ന് പോലീസ് പറഞ്ഞു.