സ്വന്തം ചെവിയിലേക്ക് നിറയൊഴിച്ച് യുവാവ്; തലയിലൂടെ തുളച്ചു കയറി പുറത്തെത്തിയ ബുള്ളറ്റ് കൊണ്ട് ഭാര്യക്കും പരിക്ക്!

ന്യൂഡൽഹി: സ്വന്തം ചെവിയിൽ തോക്കെടുത്ത് നിറയൊഴിച്ചയാളുടെ തല തുളച്ചു കയറി പുറത്തെത്തിയ ബുള്ളറ്റ് കൊണ്ട് ഭാര്യക്കും പരിക്ക്. ഗുരുതരമായി പരിക്കേറ്റ 34കാരൻ ഡൽഹിയിലെ സഫ്ദർജങ് ആശുപത്രിയിൽ തീവ്രപരിചരണ വിഭാഗത്തിലാണ്. കാറിൽ യാത്ര ചെയ്യുമ്പോഴാണ് ഇയാൾ സ്വയം വെടിവെച്ചത്. തൊട്ടടുത്ത് ഇരിക്കുകയായിരുന്ന ഭാര്യക്ക് കഴുത്തിലാണ് പരിക്കേറ്റത്. ഏഴ് മാസം ഗർഭിണി കൂടിയായ ഇവരുടെ സ്ഥിതി ഗുരുതരമല്ലെന്ന് പൊലീസ് വ്യക്തമാക്കി.

ഭർത്താവിന് ജോലി ഇല്ലാത്തതുമായി ബന്ധപ്പെട്ട തർക്കത്തിനൊടുവിലാണ് അദ്ദേഹം സ്വയം വെടിവെച്ചതെന്ന് ഭാര്യ പറഞ്ഞു. കുറച്ച് മാസങ്ങളായി ഇയാൾക്ക് ജോലിയൊന്നുമില്ല. ബുള്ളറ്റ് ശരീരത്തിനുള്ളിലൂടെ തുളച്ച് കയറി മറ്റൊരാൾക്ക് പരിക്കേൽക്കുന്നത് വളരെ അപൂർവമായി സംഭവിക്കുന്നതാണ്. എന്നാൽ വളരെ അടുത്താണ് ആളെങ്കിൽ ഇങ്ങനെ സംഭവിക്കാവുന്നതാണെന്നും പൊലീസ് പറഞ്ഞു.

Also Read: വരുന്ന 10 ദിവസത്തിനുള്ളിൽ 2600 ശ്രമിക് ട്രെയിനുകൾ; 36 ലക്ഷം കുടിയേറ്റ തൊഴിലാളികൾ സ്വന്തം നാട്ടിലെത്തും

കഴിഞ്ഞ കുറച്ച് മാസങ്ങളായി യുവാവിന് ജോലിയില്ല. ഗർഭിണിയായ ഭാര്യയെയും കൊണ്ട് പരിശോധനക്കായി ആശുപത്രിയിലേക്ക് പോവുമ്പോഴാണ് സംഭവമുണ്ടായത്. ഫരീദാബാദ് സ്വദേശികളായ ദമ്പതികൾ ഗുരുഗ്രാമിലെ രാംപുരയിലാണ് ഇപ്പോൾ താമസിക്കുന്നത്. പരിക്കേറ്റ യുവാവ് അബോധാവസ്ഥയിലാണെന്ന് പൊലീസ് അറിയിച്ചു. സംഭവവുമായി ബന്ധപ്പെട്ട് പൊലീസ് കേസെടുത്തിട്ടുണ്ട്.

Also Read: ഇന്ത്യയിലെ കൊവിഡ് ടെസ്റ്റുകളുടെ കണക്കുകൾ പുറത്തുവിട്ട് ഐസിഎംആർ: രോഗമുക്തി നിരക്ക് 41.4 %