മദ്യം പങ്കുവയ്ക്കുന്നതിനെച്ചൊല്ലി തർക്കം; 50കാരനെ കുത്തിക്കൊന്നു

മുംബൈ: മദ്യം പങ്കുവയ്ക്കുന്നതിനെച്ചൊല്ലി ഉണ്ടായ തർക്കത്തെ തുടർന്ന് 50കാരനെ സുഹൃത്ത് കുത്തിക്കൊന്നു. ചുമട്ടുത്തൊഴിലാളിയായ അന്ന എന്നയാളാണ് കൊല്ലപ്പെട്ടത്. മുംബൈയിലെ ജെജെ മാർഗ് പ്രദേശത്ത് തിങ്കളാഴ്ചയാണ് സംഭവം.

അന്നയും 40കാരനായ സുഹൃത്തും റോഡ് സൈഡിൽ ടെന്റ് കെട്ടിയാണ് താമസിക്കുന്നത്. സംഭവം നടന്നദിവസം മദ്യം വാങ്ങിച്ചെത്തിയ അന്ന ഇഥ് പ്രതിയുമായി പങ്കുവച്ച് കഴിക്കാൻ വിസമ്മതിച്ചു. ഇതോടെ ഇരുവരും തമ്മിൽ തർക്കത്തിലായി. ഒടുവിൽ പ്രതി അന്നയെ കുത്തിക്കൊലപ്പെടുത്തുകയായിരുന്നുവെന്നാണ് പോലീസിന്റെ പ്രാഥമിക നിഗമനം.

Also Read: കാമുകിയെ കഴുത്തുഞെരിച്ച് കൊന്നശേഷം മൃതദേഹം കിടക്കയ്ക്കുള്ളില്‍ ഒളിപ്പിച്ചു: യുവാവ് അറസ്റ്റിൽ

രാവിലെ ഏഴുമണിയോടെ നാടക്കാനിറങ്ങിയ ആളുകളാണ് ഇലക്ട്രിക് കടയുടെ മുന്നിൽ മരിച്ചനിലയിൽ അന്നയുടെ മൃതദേഹം കണ്ടെത്തിയത്. ഇതോടെ ഇവർ പോലീസിൽ വിവരമറിയിക്കുകയായിരുന്നു. സംഭവത്തിനുശേഷം ഒളിവിൽപ്പോയ പ്രതിക്കായി പോലീസ് തെരച്ചിൽ ആരംഭിച്ചു. സംഭവത്തിൽ കേസെടുത്ത് അന്വേഷണം ആരംഭിച്ചതായും ജെജെ മാർഗ് പോലീസ് സ്റ്റേഷനിലെ മുതിർന്ന പോലീസ് ഇൻസ്പെക്ടർ സഞ്ജീവ് ഭോലെ പറഞ്ഞു.