ഓംലറ്റ് മൊരിഞ്ഞില്ല; ഹോട്ടൽ ഉടമയെ യുവാവ് കുത്തി

ചെന്നൈ: ഭക്ഷണത്തിനൊപ്പം വിളമ്പിയ ഓംലെറ്റ് മൊരിഞ്ഞില്ലെന്നാരോപിച്ച് ഹോട്ടൽ ഉടമയെ യുവാവ് കുത്തി പരിക്കേൽപ്പിച്ചു. കഴിഞ്ഞ വ്യാഴാഴ്ചയാണ് സംഭവം. സി സതിരാജ് (25) എന്ന യുവാവിനെയാണ് കുത്തി പരിക്കേൽപ്പിച്ചത്.

Also Read: വിവാഹത്തിന് മുമ്പ് വരന്‍ കഷണ്ടി ആണെന്ന് അറിഞ്ഞില്ല; ഭർത്താവിനെതിരെ കേസ് കൊടുത്ത് ഭാര്യ

സുഹൃത്തുക്കളായ എസ് സായ് യാസീൻ, വി യുവരാജ് എന്നിവർ സതീരാജിന്റെ കടയിൽ ഭക്ഷണം കഴിക്കാൻ എത്തിയതായിരുന്നു. ചോറിനൊപ്പം വിളമ്പിയ ഓംലെറ്റ് മൊരിഞ്ഞിട്ടില്ലെന്ന് കണ്ടതോടെ ഇരുവരും കട ഉടമയോട് തർക്കിക്കാൻ ആരംഭിച്ചു. "ചോറിനൊപ്പം നൽകിയ മുട്ട മൊരിഞ്ഞിട്ടില്ല." എന്നായിരുന്നു യാസീന്റെ പരാതി.

തുടർന്ന് സതിരാജും യുവാക്കളും തമ്മിൽ തർക്കം തുടങ്ങി. ഇതിനിടയിലാണ് യാസീൻ ഹോട്ടൽ ഉടമയെ കത്തിയെടുത്ത് കുത്തിയത്. സ്ഥലത്തു നിന്നും രക്ഷപെടാൻ ശ്രമിച്ച യാസീനെ നാട്ടുകാർ ചേർന്ന് തടയുകയും മർദ്ദിക്കുകയും ചെയ്തു.

Also Read: പ്ലസ് ടുക്കാരിയെ പട്ടാപ്പകൽ കുത്തിക്കൊന്നു; കുടുംബത്തിന് 10 ലക്ഷം രൂപ സഹായം പ്രഖ്യാപിച്ച് ആന്ധ്രാ മുഖ്യമന്ത്രി

സതിരാജിന്റെ വയറ്റിലാണ് കുത്തേറ്റത്. സമീപത്തെ സർക്കാർ ആശുപത്രിയിൽ പ്രവേശിപ്പിച്ച സതിരാജിനെ പിന്നീട് വെല്ലൂരിലെ ആശുപത്രിയിലേക്ക് മാറ്റി. യുവാവിന്റെ നിലയിൽ പുരോഗതിയുണ്ടെന്ന് ന്യൂ ഇന്ത്യൻ എക്സ്പ്രസ് റിപ്പോർട്ട് ചെയ്തു.