വിദേശ വിദ്യാര്‍ഥിനിയെ പീഡിപ്പിച്ചെന്ന് പരാതി കാണ്‍പുര്‍ ഐ.ഐ.ടി.യിലെ പ്രൊഫസറെ പുറത്താക്കി

കാണ്‍പുര്‍: വിദേശ വിദ്യാര്‍ഥിനിയെ പീഡിപ്പിച്ചെന്ന പരാതിയെ തുടര്‍ന്ന് കാണ്‍പുര്‍ ഐ.ഐ.ടി.യിലെ പ്രൊഫസറെ ജോലിയില്‍ നിന്ന് നീക്കി. പ്രൊഫസര്‍ക്ക് കീഴില്‍ പഠിക്കുന്ന ഒരു വിദ്യാര്‍ഥിനിയാണ് കഴിഞ്ഞയാഴ്‍ച ഐ.ഐ.ടി. അധികൃതര്‍ക്ക് പരാതി നല്‍കിയത്. പരാതി ഉടന്‍ തന്നെ ആഭ്യന്തര പരാതി കമ്മിറ്റിക്ക് കൈമാറി.

കഴിഞ്ഞയാഴ്‍ചയാണ് ഒരു വിദ്യാര്‍ഥിനി അധ്യാപകന്‍ മോശമായി പെരുമാറിയെന്ന് പരാതി നല്‍കിയതെന്നും ആഭ്യന്തര പരാതി കമ്മിറ്റി വിഷയത്തില്‍ അന്വേഷണം തുടങ്ങിയിട്ടുണ്ടെന്നും ഐ.ഐ.ടി. കാണ്‍പുര്‍ ‍ഡെപ്യൂട്ടി ഡയറക്ടര്‍ പ്രൊഫ. മഹിന്ദ്ര അഗര്‍വാള്‍ പറഞ്ഞു.
സ്ത്രീകള്‍ക്കെതിരായ അതിക്രമങ്ങള്‍ തടയാനുള്ള നിയമപ്രകാരമാണ് പ്രൊഫസര്‍ക്കെതിരെ നടപടിയെടുക്കുന്നതെന്നും ആരോപണവിധേയനെ ഉടനെ തന്നെ ചുമതലകളില്‍ നിന്ന് നീക്കിയിട്ടുണ്ടെന്നും പ്രൊഫ. അഗര്‍വാള്‍ അറിയിച്ചു.