ഹൈദരാബാദ്: കേരളത്തില്‍ പടക്കം നിറച്ച പഴം കഴിച്ചതിനിടെ പൊട്ടി പരിക്കേറ്റ ഗര്‍ഭിണിയായ ആന ചരിഞ്ഞ സംഭവത്തിലെ പ്രതിഷേധം അവസാനിക്കുന്നതിന് മുമ്പെ തെലങ്കാനയില്‍ ഞെട്ടിക്കുന്ന ക്രൂരത. കുരങ്ങനെ മരത്തില്‍ കെട്ടിത്തൂക്കിയാണ് കണ്ണില്ലാ ക്രൂരത അരങ്ങേറിയിരിക്കുന്നത്. തെലങ്കാനയിലെ ഖമ്മം ജില്ലയിലെ വെമ്‌സൂര്‍ ഗ്രാമത്തിലാണ് സംഭവം.
മൂന്നാളുകള്‍ ചേര്‍ന്ന് ഒരു കുരങ്ങന്റെ കഴുത്തില്‍ കയര്‍കെട്ടി മരത്തില്‍ കെട്ടിത്തൂക്കി കൊല്ലുന്നതിന്റെ ദൃശ്യങ്ങളാണ് പുറത്തുവന്നത്. ജൂണ്‍ 26 നാണ് സംഭവം നടന്നത്. സമൂഹമാധ്യമങ്ങളില്‍ ദൃശ്യങ്ങള്‍ പ്രചരിച്ചിരുന്നു. വന്‍ പ്രതിഷേധം ഉയര്‍ന്നതിനെ തുടര്‍ന്ന് മൂന്നു പേരെയും പോലീസ് അറസ്റ്റു ചെയ്തു.
സംഭവത്തില്‍ വനം വകുപ്പ് ഉദ്യോഗസ്ഥര്‍ അന്വേഷണം പ്രഖ്യാപിച്ചിട്ടുണ്ട്. സതുപള്ളി വനമേഖലയിലും സമീപ പ്രദേശങ്ങളിലും കുരങ്ങു ശല്യം വ്യാപകമാണ്. കുരങ്ങിനെ കെട്ടിത്തൂക്കി ബാക്കിയുള്ള കുരങ്ങുകളെ ഭയപ്പെടുത്താനായിരുന്നു ശ്രമം. പ്രതികള്‍ക്കെതിരെ വന്യജീവി സംരക്ഷണനിയമ പ്രകാരം കേസെടുത്തു.
തിരുവിഴാംകുന്ന് അമ്പലപ്പാറയിലെ വെള്ളിയാറില്‍ മേയ് 27 ന് 15 വയസ്സു പ്രായമുള്ള പിടിയാന സ്‌ഫോടക വസ്തു നിറഞ്ഞ പഴം കഴിച്ച് ചരിഞ്ഞ സംഭവം വിവാദമായിരുന്നു. പോസ്റ്റ്‌മോര്‍ട്ടത്തിലാണ് ആന ഗര്‍ഭിണിയാണെന്ന് വ്യക്തമായത്. മേയ് 25 നാണ് ആനയെ വായ തകര്‍ന്ന നിലയില്‍ കണ്ടെത്തിയത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
