മകനെ പോലെ കണ്ടു. ഒടുവില്‍ ജീവനെടുത്തു; വീട്ടമ്മയുടെ കൊലപാതകത്തില്‍ ബന്ധു
മുഹമ്മദ് ബിലാലില്‍ നിന്ന് ഇങ്ങനെയൊരു സമീപനം പ്രതീക്ഷിച്ചില്ലെന്നും എന്തുകൊണ്ടാണ് സംഭവിച്ചതെന്ന് അറിയില്ലെന്നും ബന്ധു.
Samayam Malayalam4 Jun 2020, 10:08 pm
ആലപ്പുഴ: കോട്ടയം താഴത്തങ്ങാടിയിലെ വീട്ടമ്മയെ കൊലപ്പെടുത്തിയ കേസിലെ പ്രതി മുഹമ്മദ് ബിലാലിനെ സാലിയും ഷീബയും മകനെ പോലെയാണ് കണ്ടതെന്ന് സാലിയുടെ സഹോദരന്‍ അബ്ദുള്‍ സലാം. അവനെ സാമ്പത്തികമായും അല്ലാതെയും സാലി സഹായിച്ചിരുന്നതായി സഹോദരന്‍ പറഞ്ഞു.
'അവന് ആഹാരം വരെ നല്‍കി. അവനില്‍ ഇങ്ങനെയൊരു സമീപനം പ്രതീക്ഷിച്ചില്ലെന്നും എന്തുകൊണ്ടാണ് സംഭവിച്ചതെന്ന് അറിയില്ലെന്നും' അദ്ദേഹം പറഞ്ഞു. അതേസമയം, സംഭവത്തില്‍ പ്രതി രക്ഷപ്പെട്ട കാര്‍ കണ്ടെത്തി. ദമ്പതിമാരുടെ വീട്ടില്‍ നിന്ന് മോഷ്ടിച്ച കാറാണ് ആലപ്പുഴ നഗരത്തില്‍ നിന്ന് കണ്ടെത്തിയത്. കാര്‍ ഫോറന്‍സിക് ഉദ്യോഗസ്ഥര്‍ പരിശോധിച്ചു.
തിങ്കളാഴ്ചയാണ് ഷാനിമന്‍സിലില്‍ ഷീബ (60) കൊല്ലപ്പെട്ടത്. ഭര്‍ത്താവ് മുഹമ്മദ് സാലി (65) ഗുരുതരാവസ്ഥയില്‍ കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയിലാണ്. കൊലപാതകത്തില്‍ പ്രതിയായ മുഹമ്മദ് ബിലാലിനെ കഴിഞ്ഞ ദിവസം കൊച്ചിയില്‍ നിന്നാണ് കസ്റ്റഡിയിലെടുത്തത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
