Mumbai Hair Stylist Held For Molesting Woman In Salon
ബ്യൂട്ടി പാര്‍ലറില്‍ ഫേഷ്യല്‍ ചെയ്യുന്നതിനിടെ യുവതിക്ക് നേരെ ലൈംഗിക അതിക്രമം; 19 വയസ്സുകാരന്‍ അറസ്റ്റില്‍
തലമുടി കഴുകുന്നതിനിടെ പ്രതി മനപൂര്‍വം തന്‍റെ ടീ ഷര്‍ട്ടില്‍ വെള്ളം ഒഴിക്കുകയും പിന്നീട് ഇത് ഉണക്കി നല്‍കാമെന്ന് പറഞ്ഞ് ദേഹത്ത് കയറി പിടിച്ച് ഉപദ്രവിച്ചെന്നുമാണ് യുവതിയുടെ പരാതി
Samayam Malayalam11 Nov 2019, 9:25 pm
മുംബൈ: ബ്യൂട്ടി പാര്‍ലറില്‍ ഫേഷ്യല്‍ ചെയ്യാനെത്തിയ യുവതിക്ക് നേരെ ലൈംഗിക അതിക്രമം നടത്തിയ ജീവനക്കാരന്‍ അറസ്റ്റില്‍. 19 വയസ്സുകാരനായ അല്‍ത്താഫ് സല്‍മാനി ആണ് അറസ്റ്റിലായത്. സൗത്ത് മുംബൈയിലെ ഒരു ബ്യൂട്ടി പാര്‍ലറില്‍ ഞായറാഴ്‍ചയായിരുന്നു സംഭവം. ഫേഷ്യല്‍ ചെയ്യുന്നതിനായി ഞായറാഴ്ച ഉച്ചയോടെയാണ് യുവതി ബ്യൂട്ടി പാര്‍‍ലറിലെത്തിയത്.
ഇവര്‍ക്ക് ബ്യൂട്ടീഷനായെത്തിയത് പ്രതിയായ സല്‍മാനിയാണ്. ഫേഷ്യല്‍ ചെയ്‍തു കഴിഞ്ഞ ശേഷം ഇയാള്‍ മുടി സ്ട്രെയിറ്റനിങ് ചെയ്യുന്നതിന്‍റെ ഭാഗമായി യുവതിയുടെ മുടി കഴുകുകയും ചെയ്‍തു. എന്നാല്‍ മുടി കഴുകുന്നതിനിടെ ഇയാള്‍ തന്‍റെ ടീ ഷര്‍ട്ടിലേക്ക് വെള്ളം ഒഴിക്കുകയായിരുന്നെന്ന് യുവതി പോലീസില്‍ നല്‍കിയ പരാതിയില്‍ പറയുന്നു. പകരം മറ്റൊരു ടീ ഷര്‍ട്ട് നല്‍കാമെന്ന് ഇയാള്‍ പറഞ്ഞെങ്കിലും യുവതി ഇത് നിരസിച്ചു.
എന്നാല്‍ ഇതിനു ശേഷം കഴുകിയ തലമുടി ഡ്രയര്‍ ഉപയോഗിച്ച് ഉണക്കുന്നതിനിടെ ഇയാള്‍ ടീ ഷര്‍ട്ട് ഉണക്കി നല്‍കാമെന്ന് പറഞ്ഞ് തന്‍റെ ശരീരത്തില്‍ സ്‍പര്‍ശിക്കുകയും ഉപദ്രവിക്കുകയും ചെയ്‍തെന്ന് യുവതിയുടെ പരാതിയില്‍ പറയുന്നു. പരാതിയില്‍ കേസ് രജിസ്റ്റര്‍ ചെയ്‍ത വിപി റോഡ് പോലീസ് ഉടന്‍ തന്നെ ബ്യൂട്ടി പാര്‍ലറിലെത്തി പ്രതിയെ അറസ്റ്റു ചെയ്യുകയായിരുന്നു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
