ബലാത്സംഗ ശ്രമത്തിനിടെ ഒമ്പത് മാസം പ്രായമുള്ള കുഞ്ഞ് മരിച്ചു

വാറങ്കൽ: ഒമ്പത് മാസം പ്രായമുള്ള കുഞ്ഞ് ബലാത്സംഗ ശ്രമത്തിനിടെ കൊല്ലപ്പെട്ടു. കുഞ്ഞ് മാതാപിതാക്കൾക്കൊപ്പം ടെറസിൽ കിടന്ന് ഉറങ്ങുമ്പോഴാണ് തട്ടിക്കൊണ്ടു പോയി ബലാത്സംഗം ചെയ്യാൻ ശ്രമിച്ചത്. അയൽവാസിയെ പോലീസ് കേസിൽ അറസ്റ്റ് ചെയ്തു.

പീഡനശ്രമത്തിനിടെ കുഞ്ഞ് കരഞ്ഞതിനെ തുടർന്ന് ഇയാൾ കുഞ്ഞിന്റെ വായും മൂക്കും പൊത്തിപ്പിടിച്ചു. ശ്വാസം മുട്ടിയാണ് കുഞ്ഞ് മരിച്ചത്. കുഞ്ഞിനെ കാണാതായതിനെ തുടർന്ന് മാതാപിതാക്കൾ അന്വേഷണം നടത്തവേയാണ് അയൽവാസിയുടെ കൈയ്യിൽ കുഞ്ഞിനെ കണ്ടത്.

മാതാപിതാക്കൾ കുഞ്ഞിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റുമോർട്ടത്തിന് ശേഷം മാത്രമേ കുഞ്ഞ് പീഡിപ്പിക്കപ്പെട്ടോയെന്ന് സ്ഥിരീകരിക്കാനാകൂ. പ്രതിയെ പോലീസ് ചോദ്യം ചെയ്തു വരികയാണ്. പ്രതിയുടെ മേൽ കൊലപാതകക്കുറ്റവും പോക്‌സോയും ചുമത്തി.