നാട്ടുകാർക്കുനേരെ കത്തിവീശി ഭീഷണി, പോലീസിനെയും ആക്രമിച്ചു; പ്രതിയെ വെടിവെച്ചു കീഴ്പ്പെടുത്തി

കൽബുർഗി: കർണാടകത്തിലെ കൽബുർഗിയിൽ നാട്ടുകാരെ കത്തികാട്ടി ഭീഷണിപ്പെടുത്തിയയാളെ പോലീസ് വെടിയുതിർത്തു കീഴ്പ്പെടുത്തി. ഫസൽ ഭഗ്‍വാൻ എന്നയാളാണ് അക്രമം നടത്തിയത്. ഞായറാഴ്ച രാത്രിയിൽ കൽബുർഗിയിലെ തിരക്കേറിയ മാർക്കറ്റിലാണ് സംഭവം. വെടിയേറ്റ പ്രതിയെ നിസാര പരിക്കുകളോടെ ആശുപത്രിയിൽ പ്രവേശിപ്പിച്ചു. കത്തിയടക്കമുള്ള മൂർച്ചയേറിയ ആയുധവുമായി മാർക്കറ്റിലൂടെ കറങ്ങുകയായിരുന്നു ഫസൽ. ഇത് ശ്രദ്ധയിൽപ്പെട്ട നാട്ടുകാർ വിവരം പോലീസിനെ അറിയിച്ചു. ഉടൻ തന്നെ പോലീസ് എത്തി ഫസലിനെ തടയാൻ ശ്രമിച്ചെങ്കിലും പോലീസിനുനേരെ ഇയാൾ തിരിയുകയായിരുന്നു. പോലീസിനെ ആക്രമിക്കാൻ ശ്രമം ഉണ്ടായതോടെയാണ് പ്രതിക്കുനേരെ വെടിയുതിർത്തത്. കാലിനുനേരെ വെടിവെച്ചു വീഴ്ത്തിയതിനു പിന്നാലെ ലാത്തി ഉപയോഗിച്ചു പ്രതിയെ കീഴ്പ്പെടുത്തുകയായിരുന്നു. പ്രതിയെ നേരിയ പരിക്കുകളോടെ ഉടൻ ആശുപത്രിയിൽ പ്രവേശിപ്പിച്ചു.

14കാരിയെ തട്ടിക്കൊണ്ടുപോയി 2 ദിവസം കൂട്ടബലാത്സം​ഗം; കൈകാലുകൾ ബന്ധിച്ച് തേയിലത്തോട്ടത്തിൽ ഉപേക്ഷിച്ചു
സംഭവത്തിൻ്റെ ദൃശ്യങ്ങൾ പുറത്തുവന്നു. കറുത്ത ബനിയനും പാൻ്റും ധരിച്ചിരിക്കുന്നയാൾ മാർക്കിൻ്റെ നടുക്കുനിന്ന് പോലീസിനുനേരെ ഭീഷണി മുഴക്കുന്നത് വീഡിയോയിൽ കാണാം. മാരകായുധവുമായി നാട്ടുകാരെ ആക്രമിച്ച പ്രതിയെ തടയാൻ എത്തിയപ്പോൾ പോലീസിനെയും ആക്രമിക്കുകയായിരുന്നുവെന്ന് കൽബുർഗി പോലീസ് കമ്മീഷണർ അറിയിച്ചു. ആക്രമണത്തിൽ ഒരു പോലീസുകാരന് പരിക്കേറ്റു. സ്വയം രക്ഷയ്ക്കും പൊതുജനത്തിൻ്റെ സുരക്ഷയ്ക്കുമായാണ് പോലീസ് പ്രതിക്കുനേരെ വെടിയുതിർത്തത്. വൈകാതെ ഇയാളെ ആശുപത്രിയിൽ എത്തിച്ചെന്നും അദ്ദേഹം വ്യക്തമാക്കി. ചികിത്സയ്ക്കുശേഷം പ്രതിക്കെതിരെ ബന്ധപ്പെട്ട വകുപ്പ് ചുമത്തി അറസ്റ്റു രേഖപ്പെടുത്തി. അന്വേഷണം നടക്കുകയാണ്.