ഭണ്ഡാരപ്പെട്ടിയിൽ നിന്ന് രണ്ട് ലക്ഷം കവർന്നു; ഒരു ലക്ഷം 'തിരികെ നൽകി' മോഷ്ടാവ്
ഡിസംബർ 17 ന് രാത്രിയായിരുന്നു ദർഗയിൽ മോഷണം നടന്നത്. രണ്ടു ലക്ഷത്തോളം രൂപയാണ് മോഷണം പോയതെന്നാണ് റിപ്പോർട്ട്. ഇതിൽ പകുതിയോളം രൂപയും കഴിഞ്ഞദിവസം ക്ഷേത്രപരിസരത്ത് കണ്ടെത്തുകയായിരുന്നു
Samayam Malayalam 20 Jan 2021, 4:16 pm
ഹൈലൈറ്റ്:
- മോഷണം നടന്നത് കഴിഞ്ഞ ഡിസംബറിൽ
- നഷ്ടപ്പെട്ടത് രണ്ട് ലക്ഷത്തോളം രൂപ
- പണം തിരികെ ലഭിച്ചത് ഒരുമാസത്തിന് ശേഷം
രാജസ്ഥാൻ: ദൈവത്തിലുള്ള ഭയം നിങ്ങളെക്കൊണ്ട് പ്രായശ്ചിത്തം ചെയ്യിപ്പിക്കുമെന്ന് കേട്ടിട്ടില്ലേ. അത്തരമൊരു വാർത്തയാണ് രാജസ്ഥാനിലെ നഗൗർ ജില്ലയിൽ നിന്നും പുറത്ത് വരുന്നത്. നഗൗറിലെ ഒരു ദർഗയിലെ ഭണ്ഡാര പെട്ടിയിൽ നിന്നും പണം കവർന്ന മോഷ്ടാവ് കുറ്റബോധമോ ഭയമോ കാരണം മോഷ്ടിച്ച പണത്തിന്റെ പകുതിയും തിരികെ നൽകിയിരിക്കുകയാണ്. ഭണ്ഡാരപ്പെട്ടിയിൽ നിന്നും പണം മോഷ്ടിച്ച് ഒരു മാസത്തിന് ശേഷമാണ് ഇയാൾ തിരികെ നൽകിയതെന്നാണ് റിപ്പോർട്ട്. ഭണ്ഡാരപ്പെട്ടിയിൽ നിന്ന് രണ്ട് ലക്ഷം രൂപയാണ് മോഷണം പോയിരുന്നത്. സംഭവം നടന്ന് ഒരുമാസത്തിന് ശേഷമാണ് മോഷ്ടാവ് ഒരു ലക്ഷം രൂപ തിരികെ നൽകിയത്. ഭയംകൊണ്ടാകാം ഇയാൾ പണം തിരികെ നൽകിയതെന്നാണ് ഗ്രാമവാസികൾ പറയുന്നത്.
നഗൗറിലെ ഹസ്രത്ത് സമൻ ദിവാൻ ദർഗയിലാണ് സംഭവം നടന്നത്. ഡിസംബർ 17 ന് രാത്രി ഇവിടെയെത്തിയ മോഷ്ടാവ് ഭണ്ഡാരപ്പെട്ടി കുത്തിത്തുറന്നായിരുന്നു കവർച്ച നടത്തിയത്. ഭണ്ഡാരപ്പെട്ടിയിലുണ്ടായിരുന്ന രണ്ട് ലക്ഷത്തോളം രൂപയും ഇയാൾ കൊണ്ടുപോയി. പരാതിയെത്തുടർന്ന് പോലീസ് കേസെടുത്ത് അന്വേഷണം ആരംഭിച്ചെങ്കിലും മോഷ്ടാക്കളെ കുറിച്ച് ഇതുവരെയും ഒരു സൂചനയും ലഭിച്ചില്ല. ദർഗയിലെ സിസിടിവി ക്യാമറയും പ്രവർത്തിക്കുന്നുണ്ടായിരുന്നില്ല.
ഇതിനിടെ കഴിഞ്ഞ തിങ്കളാഴ്ച്ച രാവിലെ ദർഗയിലെത്തിയ വിശ്വാസികളാണ് ദർഗയ്ക്ക് സമീപത്ത് ഒരു ലക്ഷത്തോളം രൂപയുടെ നോട്ടുകെട്ടുകൾ കണ്ടെത്തുന്നത്. 93, 514 രൂപയാണ് ഇവിടെ ഉണ്ടായിരുന്നത്. പണം കണ്ടെത്തിയതിനെ തുടർന്ന് നടത്തിയ അന്വേഷണത്തിൽ ദർഗയിൽ നിന്നും മോഷണം പോയ അതേ നോട്ടുകളാണ് ഇതെന്ന് മനസ്സിലായി. പോലീസിനെ വിവരമറിയിച്ച നാട്ടുകാർ പണം ഉദ്യോഗസ്ഥർക്ക് കൈമാറിയിരിക്കുകയാണ്.
നഗൗറിലെ ഹസ്രത്ത് സമൻ ദിവാൻ ദർഗയിലാണ് സംഭവം നടന്നത്. ഡിസംബർ 17 ന് രാത്രി ഇവിടെയെത്തിയ മോഷ്ടാവ് ഭണ്ഡാരപ്പെട്ടി കുത്തിത്തുറന്നായിരുന്നു കവർച്ച നടത്തിയത്. ഭണ്ഡാരപ്പെട്ടിയിലുണ്ടായിരുന്ന രണ്ട് ലക്ഷത്തോളം രൂപയും ഇയാൾ കൊണ്ടുപോയി. പരാതിയെത്തുടർന്ന് പോലീസ് കേസെടുത്ത് അന്വേഷണം ആരംഭിച്ചെങ്കിലും മോഷ്ടാക്കളെ കുറിച്ച് ഇതുവരെയും ഒരു സൂചനയും ലഭിച്ചില്ല. ദർഗയിലെ സിസിടിവി ക്യാമറയും പ്രവർത്തിക്കുന്നുണ്ടായിരുന്നില്ല.
ഇതിനിടെ കഴിഞ്ഞ തിങ്കളാഴ്ച്ച രാവിലെ ദർഗയിലെത്തിയ വിശ്വാസികളാണ് ദർഗയ്ക്ക് സമീപത്ത് ഒരു ലക്ഷത്തോളം രൂപയുടെ നോട്ടുകെട്ടുകൾ കണ്ടെത്തുന്നത്. 93, 514 രൂപയാണ് ഇവിടെ ഉണ്ടായിരുന്നത്. പണം കണ്ടെത്തിയതിനെ തുടർന്ന് നടത്തിയ അന്വേഷണത്തിൽ ദർഗയിൽ നിന്നും മോഷണം പോയ അതേ നോട്ടുകളാണ് ഇതെന്ന് മനസ്സിലായി. പോലീസിനെ വിവരമറിയിച്ച നാട്ടുകാർ പണം ഉദ്യോഗസ്ഥർക്ക് കൈമാറിയിരിക്കുകയാണ്.