ദുരഭിമാനക്കൊല: മകളെ പിതാവ് വെടിവെച്ച് കൊന്നു

കാൺപൂർ: യുവാവുമായുള്ള മകളുടെ പ്രണയം എതിർത്ത് റിട്ടയേർഡ് വ്യോമസേനാ ഉദ്യോഗസ്ഥൻ മകളെ വെടിവെച്ച് കൊന്നു. മകളുടെ പ്രണയബന്ധത്തിൽ എതിർപ്പുണ്ടായിരുന്നതിനാലാണ് കൊല നടത്തിയതെന്ന് പിതാവ് പോലീസിനോട് സമ്മതിച്ചു. സൈനിക് കോളനിയിലെ നിവാസിയായ ഉദയ് വീർ യാദവാണ് മകളെ വെടിവെച്ച് കൊന്നത്.

പ്ലസ് ടൂ വിദ്യാർഥിനിയായിരുന്ന സോണിയുടേത് ദുരഭിമാനക്കൊലയാണെന്ന് പോലീസ് പറഞ്ഞു.
സോണിയും യുവാവും ഒരേ നാട്ടുകാരായിരുന്നു. സോണിയുടെ തലയിലേക്ക് വളരെ അടുത്ത് നിന്ന് രണ്ടു റൗണ്ട് ഉദയ് വീർ വെടിവെച്ചുവെന്ന് പോലീസ് കണ്ടെത്തി. സ്വന്തം നാട്ടുകാരനായ യുവാവുമായുള്ള മകളുടെ ബന്ധത്തിൽ ഉദയ് വീറിന് താത്‌പര്യം ഉണ്ടായിരുന്നില്ല. സോണിയുടെ അമ്മാവൻ നൽകിയ പരാതിയിന്മേലാണ് ഉദയ് വീറിനെ പോലീസ് അറസ്റ്റ് ചെയ്തത്.