'കുടുംബം തകര്ത്തല്ലോടാ... കാമുകനു നേരെ പ്രണവ്'
നാടകീയ രംഗങ്ങളാണ് ശരണ്യയുടെ ഭര്ത്താവ് പ്രണവ് പോലീസ് സ്റ്റേഷനില് എത്തിയപ്പോള് അരങ്ങേറിയത്. പ്രണവിനെ കണ്ടപ്പോള് തനിക്ക് ആരുമില്ലാതായെന്ന് പറഞ്ഞ് ശരണ്യ പൊട്ടിക്കരഞ്ഞു. കുടുംബം തകര്ത്തല്ലോടാ എന്നു പറഞ്ഞ് സ്റ്റേഷനില് വെച്ച് നിധിനുനേരെ പ്രണവ് ആക്രോശിച്ച് പാഞ്ഞടുക്കുകയും ചെയ്തു. പോലീസുകാരും സുഹൃത്തുക്കളും തടഞ്ഞതിനാല് അനിഷ്ട സംഭവങ്ങള് ഒഴിവായി.
'വിയാന്റെ കൊലപാതകം അറിഞ്ഞത് മാധ്യമങ്ങളിലൂടെയെന്ന് കാമുകന്'
ഒന്നരവയസ്സുകാരന് വിയാന്റെ കൊലപാതകം അറിഞ്ഞത് മാധ്യമങ്ങളിലൂടെയെന്ന് കാമുകന് നിധിന്. എന്നാല്, കാമുകന്റെ ഈ മൊഴി പോലീസ് പൂര്ണ്ണ വിശ്വാസത്തില് എടുത്തിട്ടില്ല. കൊലപാതകത്തിന് തലേന്ന് രാത്രി ഒരു മണിയ്ക്ക് ശരണ്യയുടെ വീടിന് സമീപത്തെത്തിയത് ലോണ് എടുക്കുന്നതിനുള്ള രേഖകള് നല്കുന്നതിന് വേണ്ടിയാണെന്നാണ് കാമുകന് പോലീസിനോട് പറഞ്ഞത്.
'തന്നെ വരുതിയിലാക്കിയത് ഫോട്ടോ മോര്ഫ് ചെയ്ത് പ്രചരിപ്പിക്കുമെന്ന് ഭീഷണിപ്പെടുത്തി'
തന്റെ ഫോട്ടോ മോര്ഫ് ചെയ്ത് പ്രചരിപ്പിക്കുമെന്ന് പറഞ്ഞ് ഭീഷണിപ്പെടുത്തിയാണ് നിധിന് തന്നെ വരുതിയിലാക്കിയതെന്ന് ശരണ്യ പോലീസിനോട് പറഞ്ഞു. കാമുകന് തന്നോട് പണവും സ്വര്ണവും ആവശ്യപ്പെട്ടിരുന്നു. നിധിന് നിരന്തരം ആവശ്യപ്പെട്ടതോടെയാണ് ഭര്ത്താവ് പ്രണവിന്റെ വീട്ടില് നിന്നും സ്വര്ണം മോഷ്ടിച്ചതെന്ന് ശരണ്യയുടെ വെളിപ്പെടുത്തല്.
വിയാനെ കൊലപ്പെടുത്തിയത് കാമുകന്റെ പ്രേരണയിലെന്ന് ശരണ്യ
ഒന്നരവയസ്സുകാരന് വിയാനെ കൊലപ്പെടുത്തിയത് കാമുകന്റെ പ്രേരണയിലാണെന്ന് അമ്മയും പ്രതിയുമായ ശരണ്യ പോലീസിനോട് പറഞ്ഞു. ശരണ്യയുടെ മൊഴിയുടെ അടിസ്ഥാനത്തില് നിധിനെ പോലീസ് അഞ്ചു മണിക്കൂറോളമാണ് ചോദ്യം ചെയ്തത്. ചോദ്യം ചെയ്യലിനിടെയാണ് ഇരുവരുടെയും മൊഴികളില് വൈരുധ്യമുണ്ടെന്ന് കണ്ടെത്തിയത്.
ശരണ്യയുടെയും നിധിന്റെയും മൊഴികളില് വൈരുദ്ധ്യമുണ്ടെന്ന് പോലീസ്
ഒന്നരവയസ്സുകാരന് വിയാനെ കടല്ഭിത്തിയില് എറിഞ്ഞു കൊലപ്പെടുത്തിയ കേസില് അറസ്റ്റിലായ അമ്മ ശരണ്യയുടെയും കാമുകന് നിധിന്റെയും മൊഴികളില് വൈരുദ്ധ്യമുണ്ടെന്ന് പോലീസ്. ഇതേതുടര്ന്ന് കാമുകനെ ചൊവ്വാഴ്ച വീണ്ടും പോലീസ് ചോദ്യം ചെയ്യലിന് വിളിപ്പിച്ചിരുന്നു. നിധിനെ പോലീസ് അഞ്ചു മണിക്കൂറോളമാണ് ചോദ്യം ചെയ്തത്. ആദ്യം ചോദ്യം ചെയ്യലിനു പോലീസിനു മുന്നില് ഹാജരാകണമെന്ന് ആവശ്യപ്പെട്ടിരുന്നെങ്കിലും കഴിഞ്ഞദിവസം ഇയാള് ഹാജരായില്ല. സ്ഥലത്തില്ല ഇയാളെന്നാണ് മറുപടി നല്കിയത്.