ആലപ്പുഴ: വീട് കുത്തിത്തുറന്ന് വള്ളികുന്നത്ത് വൻ കവർച്ച. ഇന്നലെ രാത്രിയാണ് ഉപ്പുകണ്ടം പൂമംഗലത്ത് സദാനന്ദന്റെ വീട് കുത്തിത്തുറന്ന് കവർച്ച നടത്തിയത്. അറുപത്തേഴര പവൻ സ്വർണമാണ് സദാനന്ദന്റെ വീട്ടിൽ നിന്ന് മോഷണം പോയത്. സദാനന്ദന്റെ മരുമക്കളുടെയും ചെറുമക്കളുടെയും സ്വർണമാണ് കവർച്ച പോയത്. സദാനന്ദൻ അടക്കമുള്ള കുടുംബാംഗങ്ങൾ വീട്ടിൽ ഇല്ലാതിരുന്ന സമയത്തായിരുന്നു കവർച്ച. സദാനന്ദന്റെ ചേട്ടന്റെ മരണാന്തര ചടങ്ങിൽ പങ്കെടുക്കാൻ വീട്ടിൽ ഉള്ളവർ പോയ സമയത്തായിരുന്നു കവർച്ച. തിരക്കിനിടയിൽ കിടപ്പു മുറി പൂട്ടാൻ അവർ മറന്നു പോയിരുന്നു.
ചടങ്ങുകൾക്ക് ശേഷം വീട്ടുകാർ തിരിച്ചെത്തിയപ്പോഴാണ് കവർച്ച നടന്നതായി അറിഞ്ഞത്. വീടിന്റെ മുൻ വാതിൽ തകർത്താണ് കവർച്ചാ സംഘം അകത്ത് കടന്നത്. കേസ് അന്വേഷണത്തിന്റെ ഭാഗമായി പരിസരത്തെ സിസിടിവി ദൃശ്യങ്ങൾ പോലീസ് പരിശോധിച്ചു. വള്ളികുന്നം പൊലീസാണ് കേസെടുത്ത് അന്വേഷണം നടത്തുന്നത്.
ചടങ്ങുകൾക്ക് ശേഷം വീട്ടുകാർ തിരിച്ചെത്തിയപ്പോഴാണ് കവർച്ച നടന്നതായി അറിഞ്ഞത്. വീടിന്റെ മുൻ വാതിൽ തകർത്താണ് കവർച്ചാ സംഘം അകത്ത് കടന്നത്. കേസ് അന്വേഷണത്തിന്റെ ഭാഗമായി പരിസരത്തെ സിസിടിവി ദൃശ്യങ്ങൾ പോലീസ് പരിശോധിച്ചു. വള്ളികുന്നം പൊലീസാണ് കേസെടുത്ത് അന്വേഷണം നടത്തുന്നത്.