ക്ഷേത്രത്തില് മോഷണത്തിനായി എത്തിയ കള്ളന് അവിടെ കിടന്ന് ഉറങ്ങി. ഒടുവിൽ പോലീസ് എത്തി ഉണര്ത്തിയപ്പോള് ആണ് കള്ളന് ഞെട്ടി ഉണര്ന്നത്. മധ്യപ്രദേശിലെ ഷജാപൂരിലാണ് സംഭവം നടന്നത്. ലാൽഭായ്-ഫൂൽഭായ് മാതാ ക്ഷേത്രത്തിലാണ് കള്ളന് മോഷ്ടിക്കാന് കയറിയത്. ക്ഷേത്രത്തിന്റെ പൂട്ട് കുത്തിത്തുറന്ന് അകത്തു കയറിയ കള്ളൻ അവിടെ കിടന്ന് ഉറങ്ങുകയായിരുന്നു.
രാത്രയിലാണ് സംഭവം നടന്നത്. രാവിലെ ക്ഷേത്രത്തിലെ ജീവനക്കാരൻ എത്തി വാതില് തുറന്നപ്പോള് ആണ് കള്ളന് കിടന്ന് ഉറങ്ങുന്നത് കണ്ടത്. തൊട്ടടുത്ത് തന്നെ മോഷണമുതലും ഉണ്ടായിരുന്നു. ജീവനക്കാരന് ഉടന് തന്നെ പോലീസില് വിവരം അറിയിക്കുകയായിരുന്നു. പോലീസ് എത്തുമ്പോള് കട്ടിലിൽ കിടന്നുറങ്ങുന്ന കള്ളനെയാണ് കാണുന്നത്. തട്ടി വിളിച്ച പോലീസിനോട് കള്ളന്റെ പ്രതികരണം അതിലും രസകരമായിരുന്നു. തനിക്ക് അല്പ്പനേരം കൂടി ഉറങ്ങണം. പുറത്ത് നല്ല തണുപ്പാണ്. പിന്നെ ഒന്നും നോക്കിയില്ല തൂക്കിയെടുത്ത് സ്റ്റേഷനിലേക്ക് കൊണ്ടുപോയി.
Also Read: പ്രണയത്തെ ചൊല്ലി തർക്കം; മൂക്കിലും വായിലും പശയൊഴിച്ച് അമ്മാവനെ കൊലപ്പെടുത്തി, നാല് പേർ അറസ്റ്റിൽ
സ്റ്റേഷനിലെത്തി ചോദ്യം ചെയ്തെങ്കിലും ഇയാള് സ്വന്തം പേരോ വിവരങ്ങളോ വെളിപ്പെടുത്താൻ തയ്യാറായിട്ടില്ലെന്ന് പോലീസ് പറഞ്ഞതായി ന്യൂസ് 18 റിപ്പോര്ട്ട് ചെയ്യുന്നു. ഇയാളുടെ മാനസിക നില പരിശോധിക്കുകയാണെന്നും പോലീസ് കൂട്ടിച്ചേര്ത്തു. എന്നാല് മോഷ്ടിക്കാൻ കയറിയ ആൾ അവിടെ കിടന്നുറങ്ങിയത് ദൈവത്തിന്റെ അത്ഭും ആണെന്ന് നാട്ടുക്കാര് പറയുന്നു. കുറച്ചുനാള് മുമ്പ് ഇതേ ക്ഷേത്രത്തിൽ മോഷണം നടത്തിയ കള്ളന് ദിവസങ്ങൾക്ക് ശേഷം മോഷണമുതലെല്ലാം തിരികെ കൊണ്ടുവന്ന് വെക്കുകയായിരുന്നു എന്ന് ജീവനക്കാരൻ പറയുന്നു.