നാണംകെട്ട് യുപി; പത്ത് വയസുകാരിയെ ബാലാത്സംഗം ചെയ്യുന്നതിനിടയിൽ കൗമാരക്കാ‍ര്‍ പിടിയിൽ

ഗാസിയാബാദ്: ഉത്തർപ്രദേശിലെ ഗാസിയാബാദിൽ 10 വയസുകാരിയെ രണ്ട് കൗമാരക്കാ‍ര്‍ ചേർന്ന് ബലാത്സംഗം ചെയ്തു. 16, 13 വയസ് പ്രായമുള്ള കൗമാരക്കാ‍രാണ് പെൺകുട്ടിയെ പീഡനത്തിന് ഇരയാക്കിയത്. ഗാസിയാബാദിലെ ഭോജ്പൂർ പോലീസ് സ്റ്റേഷൻ പരിധിയിലെ മോദിനഗറിലാണ് സംഭവം.

Also Read: നവജാത ശിശുവിനെ മരവിപ്പിച്ചുകൊന്നു; ഫ്രീസറിൽ വെച്ചത് കൗമാരക്കാരിയായ അമ്മ

രാത്രി 8.30ന് വീടിന് നൂറ് മീറ്റർ അകലെയുള്ള ബന്ധുവിന്റെ വീട്ടിൽ നിന്നും വീട്ടിലേക്ക് മടങ്ങുമ്പോഴാണ് പെൺകുട്ടിയെ തട്ടിക്കൊണ്ടുപോയി പീഡിപ്പിച്ചത്. പെൺകുട്ടിയുടെ വീടിന് സമീപത്തുള്ളവരാണ് രണ്ട് പ്രതികളും. ആൾത്താമസമില്ലാത്ത വീട്ടിലേക്ക് കൂട്ടിക്കൊണ്ടുപോയി കൂട്ടബലാത്സംഗം ചെയ്യുകയായിരുന്നു- പെൺകുട്ടിയുടെ പിതാവിന്റെ പരാതിയിൽ പറയുന്നു.

Also Read: 35 ബലാത്സംഗങ്ങൾ; നീലചിത്ര വ്യവസാരംഗത്തെ രാജാവ്; 67 കാരൻ റോൺ ജെർമിയുടെ പതനം

പെൺകുട്ടി സഹായത്തിനായി നിലവിളിച്ചതിനെത്തുടർന്ന് നാട്ടുകാരെത്തി പ്രതികളെ കയ്യോടെ പിടികൂടുകയും പോലീസിന് കൈമാറുകയും ചെയ്തു. പിതാവിന്റെ പരാതിയുടെ അടിസ്ഥാനത്തിൽ പ്രതികൾക്കെതിരെ ഐപിസി സെക്ഷൻ 376ഡി, പോക്സോ കേസിലെ വകുപ്പുകൾ എന്നിവപ്രകാരം കേസെടുത്തു. പെൺകുട്ടിയെ വൈദ്യ പരിശോധനയ്ക്ക് അയച്ചതായി എസ്പി പറഞ്ഞു.