പാലക്കാട് രണ്ട് യുവാക്കള്‍ക്ക് വെട്ടേറ്റു; ആക്രമണത്തിന് പിന്നില്‍ മുന്‍വൈരാഗ്യമെന്ന് പോലീസ്

പാലക്കാട്: പാലക്കാട് രണ്ട് യുവാക്കള്‍ക്ക് വെട്ടേറ്റു. പുതുശേരിയില്‍ കൂട്ടുപാത മേല്‍പ്പാലത്തിന് സമീപം രണ്ട് സംഘങ്ങള്‍ തമ്മിലുണ്ടായ ആക്രമണത്തിലാണ് യുവാക്കള്‍ക്ക് വെട്ടേറ്റത്. കല്ലേപ്പുള്ളി ആലമ്പലം സ്വദേശികളായ വിഷ്ണു, റാഫിഖ് എന്നിവര്‍ക്കാണ് വെട്ടേറ്റത്. പരിക്കേറ്റ ഇരുവരും ചികിത്സയിലാണ്. ആക്രമണത്തിന് പിന്നില്‍ മുന്‍വൈരാഗ്യമാണെന്ന് പോലീസ് പറഞ്ഞു.