ന്യൂഡൽഹി: പുൽവാമ ആക്രമണത്തിന്റെ പശ്ചാത്തലത്തിൽ ആഭ്യന്തര മന്ത്രി രാജ്നാഥ് സിങ്ങിന്റെയും ബിജെപി ദേശീയാധ്യക്ഷൻ അമിത് ഷായുടെയും ശബ്ദം വെച്ച് കൊണ്ട് വ്യാജ വീഡിയോ പ്രചരിപ്പിച്ച വ്ലോഗർക്കെതിരെ കേസ്. അവി ദാണ്ടിയ എന്ന വീഡിയോ ബ്ലോഗർക്കെതിരെയാണ് കേസ്. വ്യാജ വീഡിയോ ജനങ്ങൾക്കിടയിൽ പരിഭ്രാന്തിയുണ്ടാക്കി എന്ന് ചൂണ്ടിക്കാണിച്ചാണ് കേസെടുത്തിരിക്കുന്നത്. പ്രതിരോധ, ആഭ്യന്തര വകുപ്പുകളെ കുറിച്ചും രാഷ്ട്രീയ നേതാക്കളെ കുറിച്ചും ജനങ്ങൾക്കിടയിൽ സംശയം ജനിപ്പിക്കുന്ന രീതിയിലുള്ള വീഡിയോ ആണ് ദാണ്ടിയ യൂട്യൂബിലൂടെ പ്രചരിപ്പിച്ചത്. ഡൽഹി പൊലീസാണ് ദാണ്ടിയയെ അറസ്റ്റ് ചെയ്തത്. ഐപിസിയിലെ സൈബർ സെൽ വകുപ്പുകൾ അനുസരിച്ച് വീഡിയോ ബ്ലോഗർക്കെതിരെ കേസ് റജിസ്റ്റർ ചെയ്തിട്ടുണ്ടെന്ന് ഡൽഹി പോലീസ് പിആർഒ അനിൽ മിത്തൽ പറഞ്ഞു.
പുൽവാമ ഭീകരാക്രമണത്തിന് പിന്നിലെ സത്യം ഇതാണെന്ന് പറഞ്ഞു കൊണ്ടായിരുന്നു വീഡിയോ.പ്രശസ്തയായ ടിവി അവതാരകയുടെ മുഖവും വീഡിയോയിൽ മോർഫ് ചെയ്ത് ചേർത്തിരുന്നു.താൻ മുൻപും ഇത്തരത്തിൽ വീഡിയോകൾ പ്രചരിപ്പിച്ചിട്ടുണ്ടെന്ന് ആർസ്റ്റിലായ ദാണ്ടിയ പോലീസിനോട് പറഞ്ഞു. താൻ വ്യവസായിയായ ഒരു വിദേശ ഇന്ത്യക്കാരനാണെന്നും പോലീസിനോട് പറഞ്ഞു.
പുൽവാമ ഭീകരാക്രമണത്തിന് പിന്നിലെ സത്യം ഇതാണെന്ന് പറഞ്ഞു കൊണ്ടായിരുന്നു വീഡിയോ.പ്രശസ്തയായ ടിവി അവതാരകയുടെ മുഖവും വീഡിയോയിൽ മോർഫ് ചെയ്ത് ചേർത്തിരുന്നു.താൻ മുൻപും ഇത്തരത്തിൽ വീഡിയോകൾ പ്രചരിപ്പിച്ചിട്ടുണ്ടെന്ന് ആർസ്റ്റിലായ ദാണ്ടിയ പോലീസിനോട് പറഞ്ഞു. താൻ വ്യവസായിയായ ഒരു വിദേശ ഇന്ത്യക്കാരനാണെന്നും പോലീസിനോട് പറഞ്ഞു.