മക്കളെ രക്ഷിക്കാൻ തർക്കത്തിൽ ഇടപെട്ട അമ്മയെ കൊലപ്പെടുത്തി യുവാക്കൾ; അച്ഛനും ക്രൂരമർദ്ദനം

കോയമ്പത്തൂർ: മക്കൾക്കായി തർക്കത്തിൽ ഇടപെട്ടതിന് നാല് യുവാക്കൾ ചേർന്ന് അമ്മയെ ക്രൂരമായി മർദ്ദിച്ച് കൊലപ്പെടുത്തി. തിരുപ്പൂരിൽ അവിനാശിക്കടുത്തുള്ള മടത്തുപാളയത്തിലാണ് സംഭവം. ഗണേശ് പുരം എഡി കോളനിയിൽ പളനിസ്വാമിയുടെ ഭാര്യ കൊണ്ടൽ ആണ് കൊല്ലപ്പെട്ടത്. മക്കൾ ക്രിക്കറ്റ് കളിക്കുന്നതിനിടെ വഴക്കിടാനെത്തിയ യുവാക്കളെ പിന്തിരിപ്പിക്കാൻ ശ്രമിച്ചതിന് പളനിസ്വാമിക്കും കൊണ്ടലിനും ക്രൂരമായ മർദ്ദനമാണ് ഏറ്റുവാങ്ങേണ്ടി വന്നത്.

ടൈൽസ് കൊണ്ട് തലക്കടിയേറ്റ കൊണ്ടൽ സംഭവസ്ഥലത്ത് വെച്ച് തന്നെ മരിക്കുകയായിരുന്നു. പളനിസ്വാമിയുടെയും കൊണ്ടലിൻെറയും മൂന്ന് മക്കൾ ക്രിക്കറ്റ് കളിക്കുന്നതിനിടെയാണ് യുവാക്കൾ ആക്രമിക്കാനെത്തിയത്. ഇവർ തമ്മിൽ നേരത്തെ ശത്രുതയുണ്ടായിരുന്നു. നിസ്സാരകാര്യത്തിന് തർക്കിക്കുന്നതിനിടെയാണ് അമ്മയും അച്ഛനും വിഷയത്തിൽ ഇടപെട്ടത്.

Also Read:ഇങ്ങനെയും ഉണ്ടോ നായപ്രേമം; കല്യാണത്തിന് നായ്ക്കുട്ടിക്ക് മുത്തം കൊടുത്തിറങ്ങിയ അവളുടെ കഥ ഇതാണ്!!

ഇരുവരും യുവാക്കളെ പിന്തിരിപ്പിക്കാൻ ശ്രമിക്കുകയും അവിടെ നിന്ന് പോവാൻ ആവശ്യപ്പെടുകയും ചെയ്തു. എന്നാൽ ഇതിനിടയിൽ യുവാക്കളിലൊരാൾ സ്ത്രീയുടെ തലയ്ക്ക് ടൈൽസ് കൊണ്ട് അടിക്കുകയായിരുന്നു. പളനിസ്വാമിയെയും നാല് പേർ ചേർന്ന് ക്രൂരമായി മർദ്ദിച്ചു. സംഭവവുമായി ബന്ധപ്പെട്ട് അവിനാശി പോലീസ് നാല് യുവാക്കളെയും അറസ്റ്റ് ചെയ്തു.

Also Read: യാത്രക്കാരിക്ക് കൊവിഡ് 19; ബസിലുണ്ടായിരുന്ന 37 പേർ നിരീക്ഷണത്തിൽ