'മാസ്ക് ധരിക്കാത്തവരുടെ പക്കല്‍ നിന്നും പിഴ വാങ്ങി'։ സംശയം തോന്നി പരിശോധിച്ചപ്പോള്‍ വ്യാജ വനിതാ പോലീസിന്റെ നാടകം പൊളിഞ്ഞു; കഥ ഇങ്ങനെ

ന്യൂഡല്‍ഹി։ ഡല്‍ഹി പോലീസായി നാടകം കളിച്ച് ആളുകളുടെ കൈയ്യില്‍ നിന്നും പിഴ ഈടാക്കിയ യുവതിയെ കൈയ്യോടെ പൊക്കി പോലീസ്. തിലക് നഗര്‍ പ്രദേശത്താണ് രസകരമായ ഈ സംഭവം അരങ്ങേറിയത്.

Also Read : "വിഡ്ഢിത്തം; പാലസ്തീനോടുള്ള വഞ്ചന"; ഇസ്രായേലിനോട് ചേർന്ന യുഎഇയെ വിമർശിച്ച് മുസ്ലീം രാഷ്ട്രങ്ങൾ

തമന്ന ജഹാന്‍ എന്ന 20 കാരിയാണ് ഈ തട്ടിപ്പ് നടത്തിയത്. സംഭവം ഇങ്ങനെ, സുമേര്‍ സിങ്ങ് എന്ന ഹെഡ് കോണ്‍സ്റ്റബിളും സംഘവും പട്രോളിങ്ങിന് ഇറങ്ങിയപ്പോഴാണ് സംഭവം ശ്രദ്ധയിൽപെട്ടത്. ഒരു സ്ത്രീ പോലീസ് യൂണിഫോം ധരിച്ച് മാസ്ക് ധരിക്കാത്ത ആളുകള്‍ക്കെതിരെ പിഴ വാങ്ങുകയും ചെല്ലാൻ എഴുതി നല്‍കുകയും ചെയ്യുകയായിരുന്നു.

മഫ്തിയില്‍ ഒപ്പമുണ്ടായിരുന്ന സഹപ്രവര്‍ത്തകനായ അശോകിനെ അവരുടെ അടുത്തേക്ക് മാസ്ക് ധരിക്കാതെ ചെല്ലാന്‍ സിങ്ങ് ആവശ്യപ്പെടുകയും ചെയ്തു. മാസ്ക് ധരിക്കാതെ മുന്നിലെത്തിയ അശോകിനെ കണ്ടതോടെ തമന്ന നടപടി ആരംഭിക്കുകയും ചെയ്തു.

പിഴ ആവശ്യപ്പെട്ടതോടെ അശോക് തമന്നയോട് കൂടുതല്‍ വിവരങ്ങള്‍ അന്വേഷിക്കാനും തുടങ്ങി. തിലക് നഗര്‍ പോലീസ് സ്റ്റേഷനിലാണ് താന്‍ ജോലി ചെയ്യുന്നത് എന്ന് അവര്‍ പറഞ്ഞപ്പോള്‍ താനും അവിടെയാണ് പക്ഷെ ഇതുവരെ കണ്ടിട്ടില്ലല്ലോ എന്ന് അശോക് ചോദിച്ചു.

തുടര്‍ന്ന് സ്ത്രീയോട് തിരിച്ചറിയല്‍ കാര്‍ഡ് കാണിക്കുവാന്‍ ആവശ്യപ്പെട്ടു. എന്നാല്‍, അവര്‍ക്ക് അത് സാധിച്ചില്ല. തുടര്‍ന്ന് ഇവര്‍ സ്റ്റേഷനില്‍ വിവരമറിയിക്കുകയും വനിതാ പോലീസ് എത്തി അറസ്റ്റ് ചെയ്യുകയുമായിരുന്നു.

Also Read : അമേരിക്കയുടെ മധ്യസ്ഥതയിൽ സമാധാന കരാര്‍ ഒപ്പുവച്ച് യുഎഇയും ഇസ്രയേലും


പിന്നീട്, നടത്തിയ ചോദ്യം ചെയ്യലില്‍ തന്റെ മോശം സാമ്പത്തിക അവസ്ഥയാണ് ഇത്തരത്തിൽ ആള്‍മാറാട്ടം നടത്തുവാന്‍ പ്രേരിപ്പിച്ചത് എന്ന് അവര്‍ അന്വേഷണ ഉദ്യോഗസ്ഥരോട് പറഞ്ഞു. കൊവിഡ് മാനദണ്ഡങ്ങള്‍ ലംഘിക്കുന്നവരിൽ നിന്നുമാണ് താന്‍ പണം പിഴ ഈടാക്കിയതെന്നും അവര്‍ പറഞ്ഞു. ഇവരുടെ താമസസ്ഥലത്തു നിന്നും വ്യാജ ചെല്ലാന്‍ ബുക്കും, പോലീസ് യൂണീഫോമും കണ്ടെത്തിയിട്ടുണ്ട്. ഇവര്‍ക്കെതിരെ പോലീസ് കേസെടുക്കുകയും ചെയ്തു.